شوہرکہتا تھا چھوٹےکپڑے پہنواورشراب پیو، نہیں مانی بیوی تودے دیا تین طلاق

پٹنہ: بہارکی راجدھانی پٹنہ سےتین طلاق کا ایک حیران کن  معاملہ سامنےآیا ہے۔ متاثرہ خاتون نے دعویٰ کیا ہے کہ شراب نہیں پینےاورجینس نہ پہننےکے سبب شوہرنےاسےتین طلاق دے دیا۔ خاتون نےکہا کہ شوہرماڈرن بننےاورالگ الگ طرح کے ڈریس پہننےکی بات کرتا تھا، لیکن اس کےانکارکرنے پرشوہرنے تین طلاق دے دیا۔

نیوزایجنسی اےاین آئی سے بات کرتے ہوئے متاثرہ خاتون نےکہا 'سال 2015 میں میری عمران مصطفیٰ سے شادی ہوئی۔ شادی کےکچھ  دن ہی بعد ہم دہلی چلے گئے۔ کچھ ماہ بعد شوہرنےکہا کہ تم بھی شہرکی دیگرماڈرن لڑکیوں کی طرح رہو۔ وہ چاہتے تھے کہ میں چھوٹےکپڑے پہنوں، نائٹ پارٹی میں جاؤں اورشراب پیوں۔ جب میں اس سے انکارکرتی تو وہ روزمجھے پیٹا کرتے تھے'۔

سالوں تک استحصال کرنے کے بعد دیا تین طلاق

متاثرہ خاتون نےکہا 'سالوں تک استحصال کرنے کے بعد شوہرنے کچھ دن پہلے مجھے گھر چھوڑکرجانے کے لئے کہا۔ جب میں نےانکارکیا تواس نے تین طلاق دے دیا'۔ متاثرہ خاتون نےاس سے متعلق ریاستی خواتین کمیشن میں شکایت درج کرائی تھی۔ خواتین کمیشن نے متاثرہ خاتون کے شوہرکونوٹس بھی بھیجا ہے۔