مایاوتی کےبعداب نوجوت سنگھ سدھونےمسلمانوں سےمتحد ہوکرووٹ دینےکی اپیل کی

لوک سبھا الیکشن کی بڑھتی سرگرمیوں کے درمیان متنازعہ بیانات کا دورتھمنے کا نام نہیں لے رہا ہے۔ سابق کرکٹراورپنبجاب کی کانگریس حکومت میں وزیرنوجوت سنگھ سدھو کا نام بھی اس فہرست میں جڑگیا ہے۔ بہارکے کٹیہارمیں انتخابی تشہیرکے لئے پہنچے سدھونے مسلم طبقے سے متحد ہوکرکانگریس کوووٹ دینے کی اپیل کی۔

انہوں نے کہا کہ آپ (مسلم طبقہ) یہاں اقلیتی ہوکربھی اکثریتی ہے۔ آپ اگراتحاد کا مظاہرہ کریں گے تو آپ کے امیدوارطارق انورکوکوئی بھی شکست نہیں دے سکتا ہے۔ سدھو کٹیہارپارلیمانی حلقہ کے بلرام پوراسمبلی کے بارا سوئی بلاک کے ہائی اسکول ڈھٹھا کے میدان میں انتخابی جلسے کو خطاب کررہے تھے۔

نوجوت سنگھ سدھو نےاپنی تقریرکے دوران کہا ’آپ کی آبادی یہاں 64 فیصد ہے، یہاں کے مسلمان ہماری پگڑی ہیں۔ اگرآپ کو کوئی پریشانی ہوتومجھے یاد کرنا، میں پنجاب میں بھی آپ کا ساتھ دوں گا‘۔ انہوں نے مخالفین پرتنقید کرتے ہوئے کہا ’یہ لوگ آپ کو تقسیم کررہے ہیں، مسلمانوں کے ووٹ تقسیم کررہے ہیں۔

#WATCH Bihar:N Sidhu says in Katihar 'Main aapko chetavni dene aya hun Muslim bhaiyon,ye baant rahe hain apko,ye yahan Owaisi jaise logon ko la ke,ek nai party khadi kar aap logon ka vote baant ke jitna chahte hain.Agar tum log ikathe hue,ekjut hoke vote dala to Modi sulat jaega' pic.twitter.com/PQlIjm4oW2

— ANI (@ANI) April 16, 2019

پنجاب حکومت میں وزیرسدھونے یہ بھی کہا کہ ’اویسی جیسے لوگوں کولاکرووٹ تقسیم کرنا چاہتے ہیں اورجیتنا چاہتے ہیں۔ اس کے ساتھ ہی انہوں نے کہا ’آپ لوگ متحد ہوکر64 فیصد کے ساتھ آئے توسب الٹ جائیں گے اورمودی سلٹ جائیں گے(ہارجائیں گے)۔ اس بارکے الیکشن میں ایسا چھکا مارو کہ مودی باونڈری سے باہرچلا جائے‘۔