ہوم » نیوز » مشرقی ہندوستان

پرشانت کشور کا اعلان ، بنگال میں بی جے پی کی 10 سیٹیں بھی آئیں تو چھوڑ دوں گا ٹویٹر

ترنمول کانگریس کی سربراہ اور وزیر اعلی ممتا بنرجی کے سیاسی صلاح کار پرشانت کشور بی جے پی کے جوش کو تصوراتی مان رہے ہیں ۔ انہوں نے ٹویٹ کرکے کہا کہ اگر بی جے پی دہائی کے اعداد و شمار کو پار کرتی ہے تو میں ٹویٹر چھوڑ دوں گا ۔

  • Share this:
پرشانت کشور کا اعلان ، بنگال میں بی جے پی کی 10 سیٹیں بھی آئیں تو چھوڑ دوں گا ٹویٹر
پرشانت کشور کا اعلان ، بنگال میں بی جے پی کی 10 سیٹیں بھی آئیں تو چھوڑ دوں گا ٹویٹر

مغربی بنگال میں اگلے سال ہونے والے اسمبلی انتخابات سے پہلے ہی انتخابی سرگرمیاں تیز ہوگئی ہیں ۔ مرکزی وزیر داخلہ امت شاہ نے اپنے دو دن کے بنگال دورے کے دوران یہ بتادیا کہ ممتا بنرجی کیلئے اس مرتبہ کا الیکشن آسان نہیں ہوگا ۔ حالانکہ ترنمول کانگریس کی سربراہ اور وزیر اعلی ممتا بنرجی کے سیاسی صلاح کار پرشانت کشور بی جے پی کے جوش کو تصوراتی مان رہے ہیں ۔ انہوں نے ٹویٹ کرکے کہا کہ اگر بی جے پی دہائی کے اعداد و شمار کو پار کرتی ہے تو میں ٹویٹر چھوڑ دوں گا ۔


پرشانت کشور نے پیر کو ٹویٹ کرکے کہا کہ میڈیا کا ایک طبقہ بی جے پی کی حمایت میں ماحول بنانے کی کوشش کررہا ہے ، اس سے صاف ہے کہ بی جے پی دہائی کے اعداد و شمار کیلئے جدوجہد کررہی ہے ۔ اگر بنگال میں بہتر کارکردگی کرتی ہے تو میں ٹویٹر چھوڑ دوں گا ۔




ادھر پرشانت کشور کے اس ٹویٹ پر بی جے پی کے قومی جنرل سکریٹری اور مغربی بنگال کے انچارج کیلاش وجے ورگیہ نے بھی ٹویٹ کیا اور کہا کہ بی جے پی کی بنگال میں جو سونامی چل رہی ہے ، حکومت بننے کے بعد اس ملک کو ایک الیکشن اسٹریٹجسٹ کھونا پڑے گا ۔



بتادیں کہ بہار اسمبلی انتخابات میں جیت حاصل کرنے کے بعد بی جے پی کیلئے مغربی بنگال فتح کرنا کافی اہم ہے ۔ یہی وجہ ہے کہ بی جے پی کے سینئر لیڈران مسلسل بنگال کا دورہ کررہے ہیں ۔ مغربی بنگال کے دو روزہ دورے پر امت شاہ نے کئی پروگراموں میں حصہ لیا ۔ امت شاہ نے کہا کہ بی جے پی بنگال میں 200 سے زیادہ سیٹیں جیت رہی ہے ۔
Published by: Imtiyaz Saqibe
First published: Dec 21, 2020 01:26 PM IST