ہوم » نیوز » مشرقی ہندوستان

نتیش حکومت کو بڑی راحت ، شراب بندی کے خلاف پٹنہ ہائی کورٹ کے فیصلہ پر سپریم کورٹ نے لگائی روک

بہار حکومت کو سپریم کورٹ سے بڑی راحت ملی ہے۔ کورٹ نے شراب پر پابندی کے ہائی کورٹ کے فیصلہ پر روک لگا دی ہے۔

  • Pradesh18
  • Last Updated: Oct 07, 2016 01:31 PM IST
  • Share this:
  • author image
    NEWS18-Urdu
نتیش حکومت کو بڑی راحت ، شراب بندی کے خلاف پٹنہ ہائی کورٹ کے فیصلہ پر سپریم کورٹ نے لگائی روک
سپریم کورٹ: فائل فوٹو

پٹنہ : بہار حکومت کو سپریم کورٹ سے بڑی راحت ملی ہے۔ کورٹ نے شراب پر پابندی کے ہائی کورٹ کے فیصلہ پر روک لگا دی ہے۔بہار حکومت نے پیر کو سپریم کورٹ میں ریاست میں شراب پینے اور اس کی فروخت پر پابندی لگانے کے نوٹیفکیشن کو منسوخ کرنے کے پٹنہ ہائی کورٹ کے فیصلہ کو چیلنج کیا تھا۔

ہائی کورٹ کے 30 ستمبر کے فیصلہ کے خلاف اپیل چیف جسٹس ٹی ایس ٹھاکر کی صدارت والی بنچ میں کی گئی تھی ۔ بنچ نے بہار حکومت کے فوری سماعت کی درخواست پر اتفاق کرتے ہوئے اس کے لئے جمعہ کا دن طے کیا تھا۔ سینئر وکیل راجیو دھون اور ایڈووکیٹ کیشو موہن کے ذریعے داخل کی گئی درخواست میں عدالت عظمی سے ہائی کورٹ کے اس حکم پر روک لگانے کی درخواست کی گئی تھی ، جس میں شراب پر پابندی کے سرکاری نوٹیفکیشن کو منسوخ کردیا گیا تھا۔

بہار حکومت نے عدالت عظمی سے یہ فیصلہ کرنے کی درخواست کی تھی کہ ریاست شراب کی تقسیم اور اس کے پینے پر مکمل طور پر پابندی لگا سکتی ہے یا نہیں اور کیا کوئی شخص شراب پینے کو آئین کے تحت بنیادی حقوق ہونے کا دعوی کر سکتا ہے یا نہیں۔

First published: Oct 07, 2016 01:30 PM IST
corona virus btn
corona virus btn
Loading