உங்கள் மாவட்டத்தைத் தேர்வுசெய்க

    نتیش کمار اور بی جے پی کو عوام لوک سبھا الیکشن میں جواب دیں گے: تیجسوی یادو

    بہار کے سابق نائب وزیر اعلی تیجسوی پرساد یادو: فائل فوٹو

    بہار کے سابق نائب وزیر اعلی تیجسوی پرساد یادو: فائل فوٹو

    بہار اسمبلی میں اپوزیشن لیڈر تیجسویپرساد یادو نے آج کہا کہ وزیر اعلی نتیش کمار اور بی جے پی منفی سیاست کررہی ہے جس کا نتیجہ ہے کہ آر جے ڈی کے صدر لالو پرساد یادو جھوٹے معاملے میں جیل میں ہیں لیکن ریاست کے عوام آئندہ لوک سبھا الیکشن میں اس کا جواب دیں گے

    • UNI
    • Last Updated :
    • Share this:
      پٹنہ: بہار اسمبلی میں اپوزیشن لیڈر تیجسویپرساد یادو نے آج کہا کہ وزیر اعلی نتیش کمار اور بی جے پی منفی سیاست کررہی ہے جس کا نتیجہ ہے کہ آر جے ڈی کے صدر لالو پرساد یادو جھوٹے معاملے میں جیل میں ہیں لیکن ریاست کے عوام آئندہ لوک سبھا الیکشن میں اس کا جواب دیں گے۔
      مسٹر یادو نے یہاں پارٹی کی چار گھنٹے تک چلی اہم میٹنگ کے بعد نامہ نگاروں سے کہا کہ اسمبلی الیکشن میں عوام نے جسے ووٹ دیکر منتخب کیا وہ آج جیل میں ہیں اور جسے نہیں منتخب کیا وہ حکومت چلارہے ہیں۔ ریاست کی عوام وزیر اعلی مسٹر کمار اور بی جے پی کی اس منفی سیاست کو اچھی طرح سمجھ رہی ہے اور وقت آنے پر اس کا بھرپور جواب دینے کے لئے تیار ہے۔ انہوں نے کہا کہ تبدیل شدہ صورت حال میں پارٹی پوری طرح متحد ہے اور کسی بھی لڑائی کے لئے تیار ہے۔
      اپوزیشن لیڈر نے کہا کہ آر جے ڈی صدر کے جیل جانے کے بعد کچھ لوگوں کے پیٹ میں اس بات کو لے کر درد ہورہا ہے کہ آر جے ڈی کا کیا ہوگا لیکن پارٹی پر جب بھی بحران آیا ہے تو کارکنان اور لیڈر پوری طرح متحد ہوکر سامنے آئے ہیں۔کچھ لوگ بھلے ہی مسٹر یادو کے جیل جانے سے کوش ہوں لیکن انہیں زیادہ خوش فہمی میں مبتلا نہیں ہونا چاہئے۔
      First published: