ہوم » نیوز » مشرقی ہندوستان

مغربی بنگال : ٹیپو سلطان مسجد میں ایک ہی وقت میں دو جماعت، مولانا نور الرحمان برکتی حملے میں زخمی

کلکتہ شہر کے قلب میں واقع ٹیپو سلطان مسجد میں امام کی برطرفی کو لے کر پورے شہر میں گہما گہمی کا ماحول بن چکا ہے ۔

  • UNI
  • Last Updated: May 18, 2017 10:10 PM IST
  • Share this:
  • author image
    NEWS18-Urdu
مغربی بنگال : ٹیپو سلطان مسجد میں ایک ہی وقت میں دو جماعت، مولانا نور الرحمان برکتی حملے میں زخمی
file photo

کلکتہ : کلکتہ شہر کے قلب میں واقع ٹیپو سلطان مسجد میں امام کی برطرفی کو لے کر پورے شہر میں گہما گہمی کا ماحول بن چکا ہے ۔صورت حال مزید بھیانک اور بدترین ہونے کی توقع کی جارہی ہے ۔آج مغرب اور عشاء کی نماز  دوحصوں میں ہوئی ہے۔دوسری جانب عصر کی نماز پڑھا کر نکل رہے مولانا نور الرحمن برکتی پر ایک شخص نے اچانک حملہ کردیا جس کی وجہ سے مولانا برکتی بیمار ہوگئے ہیں ۔

ٹیپوسلطان مسجد کے امام کی برطرفی کو لے کر جس طریقے سے سیاست کی جارہی ہے اس سے عام مسلمانوں میں بے چینی ہے۔وہیں فتاؤں کا بھی سلسلہ دراز ہوتا جارہا ہے ۔وہیں اس بات کا خدشہ ہے کہ مولانا برکتی حامیوں اور مخالفین کے درمیان جمعہ کی نماز کے دوران جھڑپ ہونے کا بھی اندیشہ ہے اگر ایسا ہوا تو نہ صرف مسجد کا تقدس پامال ہوگا وہیں مسلمانوں کو برداران وطن کے سامنے شرمندگی کا سامنا کرنا پڑے گا۔

مولانا برکتی کے خلاف متعدد مفتیوں کے فتویٰ کے بعد کچھ لوگوں نے مولانا کے پیچھے نماز پڑھنے کے بجائے مسجد کے دوسرے حصے میں دوسری جماعت شروع کردی جس کی وجہ سے دھرم تلہ میں مارکیٹ کیلئے عام نمازی مخمصہ کے شکار ہوگئے وہ کس جماعت میں شریک ہوں ۔کلکتہ کے ایک ملی رہنما نے اپنا نام ظاہر نہیں کرنے کی شرط پر کہا کہ مولانا برکتی سیاست کے شکار ہوگئے ہیں ۔یہ پورا معاملہ سیاسی بنتا جارہا ہے جو افسوس ناک ہے ۔اس پورے معاملے کو گفت و شنید اور افہا م و تفہیم سے حل کیا جا سکتا ہے ۔انہوں نے مسلمانوں سے اپیل کی ہے کہ وہ کسی فتنے کے شکار نہ ہوں۔ جذبات کے بجائے ہوشمندی سے کام لیں ۔

First published: May 18, 2017 10:09 PM IST
corona virus btn
corona virus btn
Loading