مغربی بنگال : " امفان" طوفان کے بعد اب سندربن کے لوگ شیر کی ڈھار سے خوف کے سائے میں 

طوفان "امفان" نے بنگال میں بھاری تباہی مچاٸی ہے ۔ کولکاتہ سمیت مغربی بنگال کے مختلف اضلاع  بری طرح متاثر ہوئے ہیں ، لیکن ان سب کے درمیان سندربن کے لوگوں کو اب ایک نٸی مصیبت کا سامنا ہے ۔ راٸل بنگال ٹاٸیگر کیلئے مشہور سندربن کے لوگوں کو اب شیر کی ڈھاڑ کا بھی سامنا ہے ۔ سندربن کے لوگوں کی اس نٸی مصیبت سے انتظامیہ بھی پریشان ہے ۔

مغربی بنگال کے جنوبی 24 پرگنہ کا سندربن اپنی قدرتی خوصورتی کیلئے دنیا بھر میں مشہور ہے ۔  کہا جاتا ہے دنیا کا انوکھا ایکو سسٹم  سندرن بن میں ہی ہے ۔ یہاں ایک جانب پانی ہے تو دوسری طرف گھنے جنگلات ، اس کی قدرتی خوبصورتی میں اضافہ کرتے ہیں ۔ سندربن کے جنگلات میں راٸل بنگال ٹائیگر دنیا بھر کے سیاحوں کو اپنی طرف متوجہ کرتے ہیں ۔ یہاں ایک سو دو جزیرے ہیں ، جن میں 52 جزیرے ایسے ہیں ، جہاں آبادی نہیں ہے اور جنگلات ہے ۔

یہاں کی 70 فیصد آبادی اپنی روزی روٹی کے لٸے جنگلات و پانی پر انحصار کرتی ہے ۔ شہد و لکڑیوں کیلئے لوگ  جنگلات کا رخ کرتے ہیں ، جن میں کٸی شیر کی خوراک بھی بن جاتے ہیں اور پانی میں مچھلیاں پکڑنے کے لٸے جانے والے مگرمچھ کا شکار بن جاتے ہیں ۔  اس کے باوجود غیر ترقی یافتہ اس علاقہ کے لوگوں کی اسی طرح زندگی گزرتی ہے ۔ یعنی نہ ان کے پاس روزگار ہے نہ دسری سہولیات ، پانی میں مگرمچھ اور جنگل میں شیر کے درمیان یہ اپنی زندگٕی گزارتے ہیں ۔

گزشتہ ہفتہ ریاست میں آٸے امفان طوفان نے بنگال کے مختلف اضلاع کو متاثر کیا ، ان میں جنوبی 24 پرگنہ کا سندربن بھی ہے ۔ گاوں کے گاوں برباد ہوگٸے ، لوگ کھلے اسمان کے نیچے ہیں ، ندی کے ایک طرف بندھے باندھ میں ٹھکانہ لٸے ہوٸے ہیں ، جہاں شیر کی ڈھار سے یہ خوفزدہ تو ہوتے ہیں لیکن مجبور ہیں ۔ راٸل بنگال ٹاٸیگرس کو جنگلوں تک محدود رکھنے کے لٸے جو جالی لگاٸی گٸی تھی ، وہ طوفان کی وجہ سے ٹوٹ گٸی ہے ، جس کی وجہ سے شیر کے آبادی میں گھس آنے کا خدشہ بڑھ گیا ہے ۔ لوگ پریشان ہیں ، انہیں راٸل بنگال ٹاٸیگر کی گرج تو سناٸی دیتی ہے ، لیکن وہ کریں تو کیا کریں ، حالات  سے دوچار ہیں ۔

ادھر سندربن ٹاٸیگر پروجیکٹ کے فیلڈ ڈاٸرکٹر سدھیر کمار نے بتایا کہ ان کے ملازمین راتوں میں ٹارچ  جلاکر گشت کرتے ہیں ۔ تاکہ شیر کو آبادی میں آنے سے روکا جاسکے ۔