'جان دیدوں گی، لیکن ملک کی تقسیم نہیں ہونے دوں گی'، عید کی نماز کے پروگرام میں ممتا بنرجی کا خطاب

کولکاتہ : مغربی بنگال کی وزیراعلی ممتا بنرجی نے ہفتہ کو دعوی کیا کہ کچھ لوگ نفرت کی سیاست کرکے ملک کو تقسیم کرنے کی کوشش کررہے ہیں ۔ مغربی بنگال کی وزیراعلی نے کہا کہ وہ اپنی جان دینے کیلئے تیار ہیں، لیکن ملک کی تقسیم نہیں ہونے دیں گی ۔ وزیراعلی ممتا بنرجی نے شہر کے ریڈ روڈ پر عید کی نماز کے ایک پروگرام میں خطاب کرتے ہوئے لوگوں سے متحد ہونے کی اپیل کی ۔ ساتھ ہی اس بات کو یقینی بنانے کیلئے کہا کہ 2024 کے لوک سبھا انتخابات میں بی جے پی کو ہرایا جائے ۔

انہوں نے کہا کہ کچھ لوگ ملک کو تقسیم کرنے کی کوشش کررہے ہیں اور نفرت کی سیاست کررہے ہیں ۔ میں اپنی جان دینے کیلئے تیار ہوں، لیکن ملک کی تقسیم نہیں ہونے دوں گی ۔ بھگوا خیمہ پر ملک کے آئین کو بدلنے کی کوشش کرنے کا الزام لگاتے ہوئے بنرجی نے کہا کہ وہ مغربی بنگال میں این آر سی لاگو نہیں ہوںے دیں گی ۔

ممتا بنرجی نے کہا کہ یہ ٹی ایم سی کا موقف رہا ہے کہ شہریوں کے نیشنل رجسٹر اور شہری ترمیمی ایکٹ ، جو پڑوسی ممالک سے آئے اقلیتوں کو شہریت کا اختیار دیتا ہے، کی ضرورت تھی اور موجودہ شہریت ریکارڈ اور ایکٹ کافی تھے ۔ انہوں نے اپنے سیاسی مخالفین پر نشانہ سادھتے ہوئے کہا کہ میں پیسہ ، طاقت اور (مرکزی) ایجنسیوں سے لڑنے کیلئے تیار ہوں، لیکن میں اپنا سر نہیں جھکاوں گی ۔

انہوں نے کہا کہ ایک سال کے اندر یہ طے کرنے کیلئے انتخابات ہوں گے کہ ہمارے ملک میں اقتدار میں کون آئے گا ۔ آئیے ہم وعدہ کریں کہ ہم تقسیم کرنے والی طاقتوں کے خلاف متحد ہوں گے اور لڑیں گے ۔

یہ بھی پڑھئے: مغربی بنگال میں نابالغ کی موت کے بعد تشدد، پولیس اور مظاہرین میں جھڑپ

یہ بھی پڑھئے: کیا سوچی سمجھی 'ناپاک' سازش تھی پونچھ کا دہشت گردانہ؟ پڑھئے ایکسکلوزیو گراونڈ رپورٹ

انہوں نے مزید کہا کہ ہمیں یہ یقینی بنانا چاہئے کہ ہم سبھی مل کر اگلے الیکشن میں انہیں ووٹ دیں ۔ اگر ہم جمہوریت کا تحفظ کرنے میں ناکام رہے تو سب کچھ ختم ہوجائے گا ۔