مغربی بنگال : بی جے پی کو جھٹکا ، ممبر پارلیمنٹ سومتر خان کی اہلیہ سجاتا منڈل ٹی ایم سی میں شامل

مغربی بنگال میں اگلے سال ہونے والے اسمبلی انتخابات سے پہلے سیاسی ہلچل بڑھ گئی ہے ۔ دو دن پہلے وزیر داخلہ امت شاہ کے بنگال دورے کے دوران ترنمول کانگریس کے کچھ بڑے لیڈران بی جے پی میں شامل ہوگئے تھے ، لیکن اب بی جے پی کو ریاست میں جھٹکا لگا ہے ۔ پیر کو بی جے پی کے ممبر پارلیمنٹ سومتر خان کی اہلیہ سجانا منڈل ترنمول کانگریس میں شامل ہوگئیں ۔ دو دن پہلے ہی سویندر ادھیکاری ٹی ایم سی چھوڑ کر بی جے پی میں شامل ہوئے تھے ۔ سومتر خان بنگال میں بی جے پی یووا مورچہ کے صدر بھی ہیں ۔

ٹی ایم سی میں شامل ہوتے وقت سجاتا منڈل کے ساتھ ترنمول ممبر پارلیمنٹ سوگت رائے اور ترجمان کنال گھوش بھی موجود تھے ۔ سجاتا نے اس موقع پر الزام لگایا کہ بی جے پی اب موقع پرستوں اور داغیوں کی پارٹی بن گئی ہے ۔ انہوں نے کہا کہ میں نے ریاست میں پارٹی کو آگے بڑھانے کا کام کیا تھا ، لیکن اب بی جے پی میں کوئی عزت نہیں ہے ۔ ایک خاتون ہونے کے ناطے میرے لئے پارٹی میں رہنا مشکل تھا ۔

West Bengal: BJP MP Saumitra Khan's wife Sujata Mondal Khan joins Trinamool Congress in Kolkata. pic.twitter.com/xBukTrfEWB

— ANI (@ANI) December 21, 2020

پرشانت کشور کا دعوی

اس درمیان پرشانت کشور نے پیر کو ٹویٹر پر دعوی کیا کہ مغربی بنگال میں اگلے اسمبلی انتخابات میں بی جے پی کو دہائی کا اعداد و شمار پار کرنے کیلئے بھی مشقت کرنی پڑے گی ۔ ترنمول کانگریس صدر ممتا بنرجی نے کشور کو اپنا انتخابی صلاح کار بنایا ہے ۔

For all the hype AMPLIFIED by a section of supportive media, in reality BJP will struggle to CROSS DOUBLE DIGITS in #WestBengal

PS: Please save this tweet and if BJP does any better I must quit this space!

— Prashant Kishor (@PrashantKishor) December 21, 2020

پرشانت کشور نے پیر کو ٹویٹ کرکے کہا کہ میڈیا کا ایک طبقہ بی جے پی کی حمایت میں ماحول بنانے کی کوشش کررہا ہے ، اس سے صاف ہے کہ بی جے پی دہائی کے اعداد و شمار کیلئے جدوجہد کررہی ہے ۔ اگر بنگال میں بہتر کارکردگی کرتی ہے تو میں ٹویٹر چھوڑ دوں گا ۔

بتادیں کہ بہار اسمبلی انتخابات میں جیت حاصل کرنے کے بعد بی جے پی کیلئے مغربی بنگال فتح کرنا کافی اہم ہے ۔ یہی وجہ ہے کہ بی جے پی کے سینئر لیڈران مسلسل بنگال کا دورہ کررہے ہیں ۔ مغربی بنگال کے دو روزہ دورے پر امت شاہ نے کئی پروگراموں میں حصہ لیا ۔ امت شاہ نے کہا کہ بی جے پی بنگال میں 200 سے زیادہ سیٹیں جیت رہی ہے ۔