پائلٹ کی سوجھ بوجھ سے بچی میری جان.... جانئے آخر Mamata Banerjee نے کیا دیا ایسا بیان

کولکاتہ : مغربی بنگال کی وزیر اعلی ممتا بنرجی کا طیارہ جمعہ کو وارانسی سے لوٹتے وقت حادثے کا شکار ہونے سے بال بال بچ گیا تھا ۔ اس معاملہ پر انہوں نے آج رد عمل ظاہر کرتے ہوئے کہا کہ ان کے ہوائی جہاز کے سامنے اچانک ایک دوسرا ہوائی جہاز آگیا ، لیکن پائلٹ کی قابلیت کی وجہ سے میں زندہ بچی ہوں ۔

 

یہ بھی پڑھئے : گروگرام میں دو مسلم نوجوانوں کو گھیر کر پیٹا گیا، مذہب کو لے کر دی گئی گالیاں، جانئے پورا معاملہ

نیوز ایجنسی اے این آئی کے مطابق ممتا بنرجی نے بتایا کہ ان کے طیارہ کے سامنے اچانک ایک اور طیارہ آگیا ، جس کی وجہ سے ان کا طیارہ آٹھ ہزار فٹ نیچے چلا گیا ۔ حالانکہ پائلٹ کی سوجھ بوجھ کی وجہ سے بڑا حادثہ ٹل گیا ۔ انہوں نے اس بات سے صاف انکار کیا کہ خراب موسم کی وجہ سے ایسا ہوا تھا ۔ ممتا بنرجی نے کہا کہ اگر 10 سکینڈ کی تاخیر ہوگئی ہوتی تو بڑا حادثہ ہوسکتا تھا ۔

 

یہ بھی پڑھئے :  ایک ہی دن شادی کے بندھن میں بندھیں لیو ان میں رہنے والی 1320 جوڑیاں، جانئے کیوں

اس دوران طیارہ کو حادثہ سے بچانے کیلئے پائلٹ کو طیارہ کو تیزی سے نیچے کی جانب لے جانا پڑا ۔ اس واقعہ کو شہری ہوابازی کی وزارت نے ٹربولینس بتایا تھا ۔ مغربی بنگال سرکار نے اس کو لے کر ڈائریکٹوریٹ جنرل آف سول ایوی ایشن سے رپورٹ مانگی تھی ۔

ممتا بنرجی نے کہا کہ اس معاملہ کو لے کر ابھی تک ایئر ٹریفک کنٹرول اور ڈی جی سی اے سے کوئی رپورٹ نہیں ملی ہے ۔ وہیں نیوز ایجنسی پی ٹی آئی کے مطابق ممتا بنرجی نے بتایا کہ اس واقعہ کے دوران ان کی پیٹھ اور سینے میں چوٹیں آئی ہیں اور انہیں ابھی بھی درد ہے ۔