اپنا ضلع منتخب کریں۔

    سائیکلونک طوفان 'مینڈوس' کو لے کر تین ریاستوں میں ریڈ الرٹ، ہواکی رفتار 85 کلو میٹر فی گھنٹہ

    سائیکلونک طوفان 'مینڈوس' کو لے کر تین ریاستوں میں ریڈ الرٹ، ہواکی رفتار 85 کلو میٹر فی گھنٹہ ۔ فائل فوٹو ۔

    سائیکلونک طوفان 'مینڈوس' کو لے کر تین ریاستوں میں ریڈ الرٹ، ہواکی رفتار 85 کلو میٹر فی گھنٹہ ۔ فائل فوٹو ۔

    Cyclone storm Mandous: ہندوستان کے محکمہ موسمیات ( آئی ایم ڈی) نے جمعہ کو سائیکلونک طوفان مینڈوس کو لے کر زیادہ سے زیادہ ہوا کی رفتار 85 کلو میٹر فی گھنٹہ تک پار کرنے کا امکان ظاہر کیا ہے ۔

    • News18 Urdu
    • Last Updated :
    • Tamil Nadu | Andhra Pradesh | Maharashtra
    • Share this:
      چنئی : ہندوستان کے محکمہ موسمیات ( آئی ایم ڈی) نے جمعہ کو سائیکلونک طوفان مینڈوس کو لے کر زیادہ سے زیادہ ہوا کی رفتار 85 کلو میٹر فی گھنٹہ تک پار کرنے کا امکان ظاہر کیا ہے ۔ آئی ایم ڈی نے مینڈوس سائیکلون کو لے کر ریڈ الرٹ جاری کیا ہے ۔ تمل ناڈو، پڈوچیری اور آندھرا پردیش میں ریڈ الرٹ جاری کیا گیا ہے ۔ ڈوپلر ویدر ریڈار کرائیکل چنئی سائیکلون کی نگرانی کر رہا ہے۔

      آئی ایم ڈی کے مطابق سائیکلون اس وقت کرائیکل سے 240 کلومیٹر مشرق - جنوب مشرق خلیج بنگال کے جنوب مغرب میں واقع ہے۔ اس کے 9 دسمبر کی آدھی رات کو 65-75 کلومیٹر فی گھنٹہ کی رفتار سے لے کر 85 کلومیٹر فی گھنٹہ کی زیادہ سے زیادہ ہوا کی رفتار کے ساتھ گزرنے کا امکان ہے ۔ اس کی وجہ سے شمالی تمل ناڈو، پڈوچیری اور جنوبی آندھرا پردیش کے ساحل پر 65-75 کلومیٹر فی گھنٹہ کی رفتار سے ہوائیں چلیں گی۔ پڈوچیری کے وزیر اعلیٰ نے طوفان سے قبل تیاریوں کا جائزہ لیا اور تمام ایجنسیوں کو الرٹ رہنے کی ہدایت دی ۔

      یہ بھی پڑھئے: راجیہ سبھا میں یو سی سی پر پرائیویٹ ممبر بل پیش، بی جے پی ایم پی نے پیش کی تجویز


      یہ بھی پڑھئے: ایم سی ڈی الیکشن میں جیتنے والے دو کونسلروں نے دیا کانگریس کو جھٹکا، اے اے پی میں شامل


      سائیکلونک طوفان "مینڈوس" کو جنوب مغرب کی خلیج کے اوپر دیکھا گیا ہے ۔ طوفان 14 کلومیٹر فی گھنٹہ کی رفتار کے ساتھ شمال مغرب کی طرف بڑھا اور 9 دسمبر کو 1430 گھنٹے آئی ایس ٹی ، شمالی تمل ناڈو سے دور خلیج بنگال کے باہری حصے میں مرکوز ہے ۔

      محکمہ موسمیات نے جمعہ کو کہا کہ خلیج بنگال کے اوپر سائیکلونک طوفان مینڈوس کی وجہ سے مہاراشٹر کے کچھ حصوں میں اگلے 48 گھنٹے بے موسم بارش ہوسکتی ہے ۔ آئی ایم ڈی ممبئی کی سشما نائر نے کہا کہ 48 گھنٹوں کے بعد کونکن، مراٹھواڑہ اور وسطی مہاراشٹر کے زیادہ تر اضلاع میں ہلکی یا متوسط بارش ہونے کی امید ہے ۔
      Published by:Imtiyaz Saqibe
      First published: