اترپردیش میں پرتاپ گڑھ میں مجلس اتحادالمسلمین کی مشکلات میں اضافہ، درج ہوا یہ مقدمہ

پولیس چوکی بھلیاء پور کے انچارج راجیندر سنگھ کی شکایت پر امیدوار اسرار احمد و ظفرالحسن ایڈوکیٹ سمیت دو کے نامزد و سو نامعلوم کے خلاف انتخابی ضابطہ اخلاق کی خلاف ورزی کرنے کا کیس درج کیا گیا

Oct 18, 2019 04:40 PM IST | Updated on: Oct 18, 2019 04:40 PM IST
اترپردیش میں پرتاپ گڑھ میں مجلس اتحادالمسلمین کی مشکلات میں اضافہ، درج ہوا یہ مقدمہ

فائل فوٹو

اترپردیش میں پرتاپ گڑھ ضلع کے تھانہ سٹی کوتوالی پولیس نے انتخابی ضابطہ اخلاق کی خلاف ورزی کے الزام میں جمعرات کی شب پرتاپ گڑھ اسمبلی حلقے کے آل انڈیا مجلس اتحاد المسلمین امیدوار سمیت دو نامزد اورسو نامعلوم افراد کے خلاف کیس درج کیا ۔ایس ایچ او سریندرناتھ نے بتایا کہ شہر کے صدر بازارواقع تلیا چوراہے پربدھ کی شب اے آئی ایم آئ ایم امیدوار اسرار احمد کا انتخابی جلسہ تھا۔

جہاں روڈ جام کی شکایت پر پولیس پہونچی تو لوگ پولیس سے الجھ گئے۔پولیس چوکی بھلیاء پور کے انچارج راجیندر سنگھ کی شکایت پر امیدوار اسرار احمد و ظفرالحسن ایڈوکیٹ سمیت دو کے نامزد و سو نامعلوم کے خلاف انتخابی ضابطہ اخلاق کی خلاف ورزی کرنے کا کیس درج کیا گیا ۔ جبکہ امیدوار اسرار احمد کا کہنا ہے کہ اجازت نامہ ہونے کے باوجود حکومت کے اشارے پر انکے خلاف کیس درج کیا گیا ۔

Loading...

Loading...