احمدنگر ضلع میں پانچ سالہ بچہ بورویل میں گرگیا، بچانے کی کوششیں جاری

مہاراشٹر کے احمدنگر ضلع کے ایک گاوں میں پیر کی شام پانچ سال کا ایک بچہ بورویل میں گر گیا۔ اسے بچانے کی کوششیں جاری ہیں۔ عہدیداروں نے یہ اطلاع دی۔ عہدیداروں نے کہا کہ مقامی پولیس اور ضؒع ناتظامیہ کے اہلکاروں کے ساتھ این ڈی آر ایف کی ایک ٹیم پونے شہر سے قریب 125 کلومیٹر دور کرجت تحصیل کے تحت کوپرڈی گاوں میں بورویل سے بچے کو نکالنے کے لیے مہم جاری ہے۔

این ڈ ی آر ایف کے عہدیداروں کے مطابق، بچہ پیر کی شام قریب 4 بجے بورویل میں گرا تھا۔ انہوں نے کہا کہ بچہ 15 فٹ کی گہرائی میں پھنسا ہوا ہے۔ بچانے کی مہم جاری ہے اور مقام حادثہ پر ایک ایمبولنس اور دیگر طبی امداد تیار رکھی گئی ہے۔ پولیس نے بتایا کہ بورویل میں گرا بچہ ایک گنا مزدور کا بیٹا ہے، ہوسکتا ہے کہ کھیلتے وقت وہ بند پڑے بورویل میں گر گیا ہو۔

یہ بھی پڑھیں:

ایم پی اورمہاراشٹرمیں 5مقامات پراین آئی اے کےچھاپے، 2لوگوں کونوٹس جاری،الیکٹرانک آلات ضبط

یہ بھی پڑھیں:

کووڈاورH3N2فلو کےکیسزمیں اضافہ، 2اموات کےبعدمرکزی حکومت حرکت میں،ریاستیں رہیں الرٹ،مرکز

ایک دوسری خبر کے مطابق، ایئر انڈیا کی لندن ممبئی پرواز کے دوران ایک مسافر جہاز کے ٹوائلٹ میں سگریٹ پیتے ہوئے پکڑا گیا تھا۔ فائر الارم بجنے پر جہاز کے اسٹاف نے مسافر کو پکڑا، تو اس نے ہنگامہ کرتے ہوئے جہاز کا دروازہ کھولنے کی کوشش کی۔ واقعہ 10 مارچ کا ہے۔ ملزم رماکانت (37 سال) کو ممبئی پولیس نے گرفتار کرلیا ہے۔ وہ ہندوستانی نژاد امریکی شہری ہے۔ایئر انڈیا کے مطابق، ملزم رماکانت نے وارننگ کے باوجود جارحانہ اور ناقابل برداشت برتاو کیا۔ ممبئی میں جہاز اترنے پر ملزم کو سیکورٹی اہلکاروں کو سونپ دیا گیا۔ ایئر انڈیا نے کہا، وہ مسافروں و ملازمین کی سیکورٹی سے سمجھوتہ کرنے والے کسی بھی برتاو کے لیے ’زیرو ٹولیرنس پالیسی‘ پر عمل کرتی ہے۔