உங்கள் மாவட்டத்தைத் தேர்வுசெய்க

    کشمیر نہ کبھی پاکستان کا تھا، نہ پاکستان کا ہوگا: فاروق عبداللہ

    فاروق عبداللہ: فائل فوٹو۔

    فاروق عبداللہ: فائل فوٹو۔

    ڈاکٹر فارق عبداللہ نے دوٹوک انداز میں واضح کیا کہ کشمیر نہ کبھی پاکستان کا تھا، نہ پاکستان کا ہوگا ،یہ ہندوستان اور اس کے عوام کے ساتھ رہے گا۔

    • UNI
    • Last Updated :
    • Share this:
      نیشنل کانفرنس کے صدر اور سابق وزیراعلیٰ ڈاکٹر فاروق عبداللہ نے دوٹوک انداز میں واضح کیا کہ کشمیر نہ کبھی پاکستان کا تھا، نہ پاکستان کا ہوگا ،یہ ہندوستان اور اس کے عوام کے ساتھ رہے گا۔ جب تک دنیا قائم ہے کشمیر ہندوستان کا ہی رہے گا۔
      واضح ہو کہ فاروق عبداللہ پیر کی شب آندھرا پردیش کے وجئے واڑہ پہنچے اور آج انہوں نے کڑپہ میں چندرابابو کے ساتھ روڈ شو میں حصہ لیا۔ کیجروال 31مارچ کو وجئے واڑہ میں انتخابی جلسہ سے خطاب کریں گے جبکہ ممتابنرجی اسی روز چندرابابوکے ساتھ وشاکھاپٹنم میں تلگودیشم کے انتخابی جلسہ سے خطاب کریں گی۔
      فاروق عبداللہ نے کہاکہ اللہ نے ہم کو کشمیر کی شکل میں جنت بخشی ہے ، اس کا خیال ہم لوگوں نے نہیں رکھا ہے، ہم اس جنت کو جہنم بنانے کے ذمہ دار ہیں۔فاروق عبداللہ نے آندھرا پردیش کی حکمران جماعت تلگودیشم کی حمایت میں ضلع کڑپہ میں انتخابی مہم چلائی۔انہوں نے وزیراعلیٰ و پارٹی کے قومی صدر این چندرابابونائیڈو کے ہمراہ ضلع میں روڈ شو سے خطاب کیا۔ مغربی بنگال کی وزیراعلی ممتابنرجی، دہلی کے وزیراعلی اروند کیجروال اور دیگر غیر بی جے پی لیڈران بھی اے پی میں تلگودیشم کے لئے مہم چلائیں گے۔
      سابق وزیراعظم دیوے گوڑا امکان ہے کہ اننت پور میں انتخابی جلسہ سے خطاب کریں گے۔سینئر لیڈران جیسے یشونت سنہا،شرد پوار،ارون شوری بھی چندرابابو کے ساتھ انتخابی مہم چلائیں گے۔
      First published: