سول سروس، آئی اے ایس کیلئے مفت کوچنگ، جامعہ ملیہ اسلامیہ کی کوچنگ اکیڈمی نے مانگی داخلہ درخواستیں 

نئی دہلی: اگر آپ کا خواب آئی اے ایس افسر بننا ہے یا سول سروس کی تیاری کے لئے کوچنگ کرنا چاہتے ہیں اور وہ بھی مفت میں تو جامعہ ملیہ اسلامیہ کی کوچنگ اکیڈمی نے مفت کوچنگ کے لیے داخلہ فارم آگئے ہیں۔ جامعہ ملیہ اسلامیہ کے موقر آرسی اے،سینٹر فار کوچنگ اینڈ کیرئیر پلاننگ،سول سروسز (پری کم مین) میں دوہزار چوبیس کے امتحان کی تیاری کے لیے مفت کوچنگ(اقامت گاہ کی مفت سہولت کے ساتھ) کی غرض سے درخواستیں مطلوب ہیں۔اس میں اقلیت، ایس سی،ایس ٹی اور خواتین امیدوار درخواستیں دے سکتے ہیں۔جامعہ ملیہ اسلامیہ ملک کے دس بڑے شہروں یعنی دہلی،سری نگر،جمو ں،حیدر آباد،گوہاٹی،ممبئی،پٹنہ،لکھنؤ،بنگلورو اور ملا پورم میں انٹرنس امتحان کرائے گا۔

طلبا کو سول سروسز کی تیاری کرانے اورانھیں کوچنگ دینے کے معاملے میں آر سی اے ایک مشہور و معروف نام ہے۔ایس سی،ایس ٹی، خواتین اور اقلیتی طبقے سے تعلق رکھنے والے طلبا کو یہ اکیڈمی مفت کوچنگ فراہم کرتی ہے اور سول سروسز امتحانات کی تیاری کے لیے تربیت دیتی ہے۔ سول سروسز اور دیگر مقابلہ جاتی امتحانات کی تیاری کرنے والوں کے لیے ملک کے دوسرے مقامات کے مقابلے میں یہاں کا ماحول انتہائی سازگار اور آب و ہوا کافی بہتر ہے۔

RBI کا بڑا فیصلہ، 2,000 کے نوٹ واپس لے گا ریزرو بینک، لیکن قانونی طور پر۔۔۔

OPPO F23 5G کو پاور ہاؤس اسمارٹ فون بنانے والے ان 5 فیچرس کو جان کر آپ بھی لے آئیں گے گھر

گزشہ سال اکیڈمی سے تیاری کرنے والے طلبا کے نتائج کافی اچھے تھے محترمہ شروتی شرما نے سول سروسز امتحان دوہزار اکیس میں پورے ہندوستان میں پہلا مقام حاصل کیا تھا۔ آر سی اے نے اپنے قیام کے بعد سے چھے سو سے اوپر سول سروسز اور دیگر مرکزی و صوبائی سول سروسز میں سلیکشن دیا ہے۔انٹرنس ٹسٹ،اہلیت،ٹسٹ مراکز اور دستیاب سہولیات سے متعلق تفصیلی معلومات کے لیے درج ذیل ویب سائٹ :htt://jmicoe.in پر جائیں۔