گینگسٹر جرنیل سنگھ کا 4 نقاب پوش بدمعاشوں نے گولی مار کر کیا قتل

امرتسر۔ گینگسٹر جرنیل سنگھ کو پنجاب کے ضلع امرتسر میں گولی مار کر ہلاک کر دیا گیا۔ امرتسر کے گاؤں ستھیالہ میں گوپی گھنشیام پوریا گروپ سے تعلق رکھنے والے گینگ ممبران نے جرنیل سنگھ پر فائرنگ کی جس میں وہ ہلاک ہو گئے۔ بدمعاش ایک سوئفٹ کار میں آئے تھے۔ چاروں بدمعاش جرنیل سنگھ کو قتل کرنے کے بعد موقع سے فرار ہو گئے۔ معلومات کے مطابق واقعہ کے وقت جرنیل سنگھ اپنے گاؤں میں اپنے گھر پر تھے۔ واقعہ کی اطلاع ملتے ہی پولیس موقع پر پہنچ گئی۔ فی الحال پولس معاملے کی جانچ کر رہی ہے۔

اس حملے کی سی سی ٹی وی فوٹیج بھی منظر عام پر آگئی ہے۔ ویڈیو میں واضح طور پر دیکھا جا سکتا ہے کہ 4 نقاب پوش حملہ آور آتے ہیں اور جرنیل سنگھ پر اندھا دھند فائرنگ شروع کر دیتے ہیں۔ حملہ آوروں سے بچنے کے لیے جرنیل سنگھ ایک دکان میں داخل ہوئے، حملہ آور بھی ان کے پیچھے دکان میں داخل ہوتے ہیں اور ان کی موت ہونے تک فائرنگ کرتے رہتے ہیں۔ حملہ آور فائرنگ کرتے ہوئے موقع سے فرار ہو گئے۔

یہ بھی پڑھئے : ایئرپورٹ پر سکیورٹی اسکریننگ کے دوران 12 عجیب و غریب چیزیں برآمد، کبھی انسان کی کھوپڑی۔۔۔

یہ بھی پڑھیں : جموں و کشمیر میں المناک حادثہ، کشتواڑ کے قریب کھائی میں گری کار ، 7 افراد کی موت

RTI نےکھول دی پاکستان کی پول! سزا پوری ہونے کےبعد بھی PAK کی جیل میں قید ہیں 500 زیادہ ہندوستانی

پولیس نے سی سی ٹی وی فوٹیج قبضے میں لے کر ملزمان کی تلاش شروع کر دی ہے۔ پولیس نے ان کی لاش کو قبضے میں لے کر پوسٹ مارٹم کے لیےاسپتال کے مردہ خانے میں رکھوا دیا ہے۔ پولیس کا کہنا ہے کہ جلد ملزمان کو گرفتار کر لیا جائے گا۔