Haryana Rajya Sabha Election 2022:بی جے پی کے پنوار اور آزاد امیدوار کارتیکیہ کی جیت، اجئے ماکن ہارے

Haryana Rajya Sabha Election 2022: ہریانہ کی دو راجیہ سبھا سیٹوں پر جمعہ کو ہوئی ووٹنگ(Haryana Rajya Sabha Election 2022) میں کانگریس کو جھٹکا دیتے ہوئے بی جے پی اور اس کے حامی آزاد امیدوارع کارتیکیہ شرما نے ہریانہ سے راجیہ سبھا کی دو سیٹیں جیت لی ہیں۔ شرما کو بی جے پی اور جے جے پی کی حمایت حاصل تھی۔ دو راجیہ سبھا سیٹوں کے لئے جمعہ صبح ووٹنگ شروع ہونے کے ساتھ ہی دن بھر ہائی ڈرامہ دیکھا گیا۔ حالانکہ ووٹوں کی گنتی مقررہ وقت کے سات گھنٹے بعد آدھی رات سے ہی شروع ہوئی اور دیر رات قریب ڈھائی بجے نتیجے کا اعلان ہوا۔

Haryana CM Manohar Lal Khattar congratulates BJP candidate Krishan Lal Panwar and BJP-JJP backed independent candidate Kartikeya Sharma for their win in the #RajyaSabhaElection2022 pic.twitter.com/qxAcOt4b2d

— ANI (@ANI) June 10, 2022

ہریانہ کی دو راجیہ سبھا سیٹوں پر، بی جے پی امیدوار کرشن لال پنوار اور جے جے پی اور بی جے پی کے حمایت یافتہ آزاد امیدوار کارتیکیہ شرما کو کل دیر رات منتخب قرار دیا گیا۔ جہاں پنوار نے بی جے پی کو حاصل کردہ 3600 ووٹوں کے قدر سے ایک سیٹ جیتی، شرما نے 2966 ووٹوں کے قدر کے ساتھ دوسری سیٹ جیتی۔ کانگریس کے ووٹوں کا قدر 2900 بتایا گیا۔ کانگریس کا ایک ووٹ غلط قرار دیا گیا، جب کہ کانگریس ایم ایل اے کلدیپ بشنوئی نے شرما کو کراس ووٹ دیا۔

یہ رہا جیت کا حساب!

• ایک ووٹ 100 کے برابر


• کانگریس کا ایک ووٹ ہوا کینسل


• اب 88 ووٹ بچے


• 8800/3=2934 یہ جیت کے لئے امیدوار کو چاہیے تھے


• کرشن لال پنوار کے 66 ووٹ بچے، جو کارتیکیہ شرما کو ٹرانسفر ہوئے


• کارتیکیہ شرما کو 66+2900=2966 ووٹ ملے


• کانگریس کے اجئے ماکن کو 2900 ووٹ ملے


• اس بنیاد پر کارتیکیہ شرما کی جیت ہوئی

یہ بھی پڑھیں:
راجیہ سبھا الیکشن 2022: مہاراشٹر میں شیو سینا کو بڑا جھٹکا، بی جے پی کی 3 سیٹوں پر جیت

یہ بھی پڑھیں:
Rajya Sabha Election 2022: راجستھان میں 4 سیٹوں میں3 پرکانگریس، ایک سیٹ پربی جے پی کا قبضہ

نتائج کا اعلان ہونے کے بعد ہریانہ کے وزیراعلیٰ منوہر لال کھٹر نے بی جے پی امیدوار کرشن لال پنوار اور بی جے پی جے جے پی حمایت یافتہ آزاد امیدوار کارتیکیہ شرما کو مٹھائی کھلا کر ان کی جیت کے لئے مبارکباد دی۔