ہوم » نیوز » شمالی ہندوستان

سنسنی خیز! بیوی نے عاشق کے ساتھ مل کر شوہر کے خلاف اٹھایا ایسا خوفناک قدم ، سبھی کے اڑگئے ہوش

واردات کو انجام دینے کے بعد ملزم بیوی اور اس کے عاشق نے شوہر کے فون سے ہی اس کے بھائی کو اس کی خبر دی ۔ پولیس دونوں ملزمین کی تلاش کررہی ہے ۔

  • Share this:
سنسنی خیز! بیوی نے عاشق کے ساتھ مل کر شوہر کے خلاف اٹھایا ایسا خوفناک قدم ، سبھی کے اڑگئے ہوش
بیوی نے عاشق کے ساتھ مل کر شوہر کے خلاف اٹھایا ایسا خوفناک قدم ، سبھی کے اڑگئے ہوش

ہریانہ کے سونی پت ضلع میں رشتوں کو شرمسار کردینے والا ایک واقعہ پیش آیا ہے ۔ ضلع کے بندے پور گاوں میں ایک خاتون نے عاشق کے ساتھ مل کر شوہر کو موت کے گھاٹ اتار دیا ۔ اس نے بیلن سے پیٹ پیٹ کر شوہر کا قتل کردیا ۔ شوہر کی خون میں لت پت لاش کمرے میں چارپائی پر ملی ۔ مقتول کے بھائی کی اطلاع پر پہنچی پولیس نے جائے واقعہ سے بیلن کو برآمد کر لیا ہے ۔


پولیس نے بتایا کہ ملزم نے مقتول کے سر پر وار کئے تھے ۔ منہ پر چادر باندھ رکھی تھی ۔ بھائی کا کہنا ہے کہ ملزمین نے مقتول کے موبائل فون سے قتل کی اطلاع دی ۔ یہاں پہنچا تو گھر پر تالا لگا تھا ۔ اس نے اس کی اطلاع پولیس کو دی ۔ بتادیں کہ آبائی طور پر گہنا کے رہنے والے نریندر راٹھ دھانا روڈ پر واقع گیس ایجنسی میں کام کرتا تھا ۔ وہ یہاں بیوی اور دو بچوں کے ساتھ رہتا تھا ۔


مقتول کے بھائی سونو نے صدر تھانہ میں دی اپنی شکایت میں بتایا کہ نریندر کی شادی 22 سال پہلے گاوں پپلی کھیڑا کی رہنے والی ریکھا سے ہوئی تھی ۔ ان میں کئی سالوں سے اختلافات تھے ، جس کی وجہ سے ریکھا ایک سال تک آریہ نگر کی پتھر والی گلی کے رہنے والے سومبیر کے ساتھ رہی ۔ وہ تین ماہ پہلے واپس آئی تھی ۔ 10 دن پہلے ان میں کہاسنی ہوگئی تھی ، جس کو لے کر پنچایت میں ریکھا نے شوہر کے ساتھ ہی رہنے کی بات کہی تھی ۔


پولیس نے بتایا کہ ملزم نے مقتول کے سر پر وار کئے تھے ۔ منہ پر چادر باندھ رکھی تھی ۔
پولیس نے بتایا کہ ملزم نے مقتول کے سر پر وار کئے تھے ۔ منہ پر چادر باندھ رکھی تھی ۔


مقتول کے بھائی نے الزام لگایا کہ اتوار کی صبح سومبیر نے نریندر کے موبائل سے فون کرکے کہا کہ انہوں نے نریندر کا کام تمام کردیا ہے ۔ ریکھا نے بھی قتل کرنے کی بات کہی تھی ۔ گھر پہنچا تو تالا لگا تھا ۔ آس پاس کے لوگوں کے ساتھ تالا توڑ کر گھر میں داخل ہوا تو نریندر کی لاش لہولہان حالت میں پڑی تھی ۔ نریندر کے دونوں بچے بھی لاپتہ ہیں ۔

وہیں پولیس نے مقتول کے بھائی کی شکایت پر بیوی ریکھا اور اس کے عاشق سومبیر کے خلاف کیس درج کرلیا ہے ۔ فی الحال دونوں ملزمین فرار ہیں ۔ پولیس کا کہنا ہے کہ جلد ہی دونوں کو گرفتار کرلیا جائے گا ۔
Published by: Imtiyaz Saqibe
First published: Nov 30, 2020 09:15 AM IST