اپنا ضلع منتخب کریں۔

    سبھی ممبران اسمبلی متفق، اعلی کمان ہی کرے گا ہماچل وزیر اعلی کا فیصلہ : راجیو شکلا

    سبھی ممبران اسمبلی متفق، اعلی کمان ہی کرے گا ہماچل وزیر اعلی کا فیصلہ : راجیو شکلا ۔ تصویر : اے این آئی ۔

    سبھی ممبران اسمبلی متفق، اعلی کمان ہی کرے گا ہماچل وزیر اعلی کا فیصلہ : راجیو شکلا ۔ تصویر : اے این آئی ۔

    Himachal Politics: وزیر اعلی کے انتخاب کیلئے جمعہ کو شملہ کانگریس لیجسلیچر پارٹی کی میٹنگ ہوئی ۔ میٹنگ کے بعد ہماچل پردیش کے انجارچ راجیو شکلا نے کہا کہ لیجسلیچر پارٹی کی میٹنگ میں سبھی 40 ممبران نے شرکت کی ۔

    • News18 Urdu
    • Last Updated :
    • Shimla | Himachal Pradesh
    • Share this:
      شملہ : ہماچل پردیش کا وزیر اعلی کون ہوگا؟ اسمبلی انتخابات جیتنے کے بعد اب اس بات پر کانگریس میں تنازع ہوگیا ہے ۔ فی الحال وزیر اعلی عہدہ کی ریس میں تین نام ہیں ۔ ریاستی صدر اور ممبر پارلیمنٹ پرتیبھا سنگھ ، کانگریس ممبر اسمبلی سکھویندر سنگھ سککھو اور ممبر اسمبلی مکیش اگنی ہوتری ، تینوں وزیر اعلی عہدہ پر اپنا اپنا دعوی کررہے ہیں ۔ حالانکہ پرتیبھا سنگھ کے حامی تو آبزرور بھوپیش بگھیل کے سامنے ہنگامہ بھی کرچکے ہیں ۔ پرتیبھا سنگھ بھی یہ کہہ چکی ہیں کہ یہ الیکشن سابق وزیر اعلی اور ان کے آنجہانی شوہر ویربھدر سنگھ کے نام پر لڑا گیا، اس لئے پارٹی ان کے اہل خانہ کو نظر انداز نہیں کرسکتی ہے ۔

      وزیر اعلی کے انتخاب کیلئے جمعہ کو شملہ کانگریس لیجسلیچر پارٹی کی میٹنگ ہوئی ۔ میٹنگ کے بعد ہماچل پردیش کے انجارچ راجیو شکلا نے کہا کہ لیجسلیچر پارٹی کی میٹنگ میں سبھی 40 ممبران نے شرکت کی ۔ سبھی نے آپسی رضامندی سے کہا کہ ہائی کمان ہی وزیر اعلی کا انتخاب کرے ۔ ہم اپنی رپورٹ ہائی کمان کو کل سونپ دیں گے ۔ میڈیا میں گردش کررہی وہ خبریں پوری طرح سے غلط ہیں، جس میں کہا جارہا ہے کہ پارٹی میں گروپ بندی ہے ۔

      یہ بھی پڑھئے : سائیکلونک طوفان 'مینڈوس' کو لے کر 3 ریاستوں میں ریڈ الرٹ، ہواکی رفتار 85 کلو میٹر فی گھنٹہ


      یہ بھی پڑھئے: غیر مسلم طلبہ کو کیسے داخلہ دے رہے ہیں مدارس؟ این سی پی سی آر نے سرکار سے جانچ کیلئے کہا


      سککھو نے کہا : میں وزیراعلی عہدہ کا امیدوار نہیں

      وہیں دوسری طرف ریس میں شامل سکھویندر سنگھ نے کہا کہ میں وزیراعلی کا امیدوار نہیں ہوں ۔ میں کانگریس پارٹی کا ڈسپلنڈ کارکن و ممبر اسمبلی ہوں ۔ پارٹی اعلی قیادت کا فیصلہ آخری ہوگا ۔ دوسری جانب ہرش وردھن چوہان نے کہا کہ جو بھی فیصلہ کانگریس اعلی کمان کرے گا وہ ہمیں منظور ہوگا ۔ ہم اپنی بات رکھیں گے، منتخب ممبران اسمبلی کی رائے کے مطابق فیصلہ ہوگا ۔

      قابل ذکر ہے کہ اس سے پہلے کانگریس نے گورنر کو ایک خط اور 40 ممبران اسمبلی کی فہرست سونپ دی ہے ۔ خط میں کہا گیا ہے کہ کانگریس کے پاس سرکار کی تشکیل کرنے کیلئے اکثریت ہے ۔
      Published by:Imtiyaz Saqibe
      First published: