ملک بھر میں منایا جارہا ہے رنگوں کا تہوار ہولی ، صدر جمہوریہ اور وزیر اعظم نے دی مبارکباد

نئی دہلی : رنگوں کا تہوار ہولی پیر کو کورونا وائرس کے قہر کے درمیان ملک بھر میں پورے جوش و خروش اور روایتی انداز میں منایا جارہا ہے۔ اس موقع پر صدر جمہوریہ رامناتھ کووند ، نائب صدر وینکیا نائیڈو اور وزیر اعظم مودی سمیت ملک کی سرکردہ شخصیات نے باشندگان وطن کو ہولی کی مبارکباد دی ہے ۔

صدر جمہوریہ رامناتھ کووند نے باشندگان وطن کو ہولی کی مبارکباد دیتے ہوئے ایک ٹویٹ کیا ، جس میں انہوں نے لکھا : ہولی کے موقع پر سبھی باشندگان وطن کو مبارکباد ۔ رنگوں کا تہوار ہولی ، سماجی ہم آہنگی کا تہوار ہے اور لوگوں کی زندگی میں خوشی اور جوش و خروش کا ماحول ہے ۔

होली के शुभ अवसर पर सभी देशवासियों को शुभकामनाएं। रंगों का त्‍योहार होली, सामाजिक सौहार्द का पर्व है और लोगों के जीवन में खुशी, उत्‍साह व आशा का संचार करता है। मेरी कामना है कि उमंग और उल्‍लास का यह पर्व हमारी सांस्‍कृतिक विविधता में निहित राष्‍ट्रीय चेतना को और शक्ति प्रदान करे।

— President of India (@rashtrapatibhvn) March 29, 2021

وہیں نائب صدر جمہوریہ ایم وینکیا نائیڈو نے رنگوں کے تہوار ہولی کے موقع پر وطن کے باشندوں کو مبارکباد دی ۔ ایم وینکیا نائیڈو نے آج یہاں جاری ہونے والے ایک پیغام میں کہا کہ کورونا وائرس کی عالمی وبا کے پیش نظر اس تہوار کو مکمل احتیاط سے منایا جانا چاہئے۔ انہوں نے کہا کہ "تمام باشندگان وطن کو ہولی کی مبارکباد! رنگوں کا یہ تہوار آپ اور آپ کے اہل و عیال کی زندگیوں میں ہم آہنگی، امن و شانتی، صحت، تعلیم اور خوشحالی لائے"۔

सभी देशवासियों को #होली की हार्दिक शुभकामनाएं।रंगों का यह उल्लासमय पर्व आपके और आपके प्रियजनों के जीवन में सौहार्द,सुहृदयता,शांति,स्वास्थ्य, शिक्षा और समृद्धि लाए।

आग्रह करता हूं कि बढ़ते संक्रमण को देखते हुए सरकार द्वारा बतायी गई हर आवश्यक सावधानी रखें और सुरक्षित रहें। #Holi pic.twitter.com/TD6OiCWOU2

— Vice President of India (@VPSecretariat) March 29, 2021

ایک دوسری ٹویٹ میں نائب صدر نائیڈو نے عوام سے اپیل کی کہ کورونا وائرس کے بڑھتے ہوئے انفیکشن کے پیش نظر حکومت کی طرف سے بتائی جانے والی تمام ضروری احتیاطی تدابیر اختیار کریں اور محفوظ رہیں ۔

आप सभी को होली की ढेर सारी शुभकामनाएं। आनंद, उमंग, हर्ष और उल्लास का यह त्योहार हर किसी के जीवन में नए जोश और नई ऊर्जा का संचार करे।

— Narendra Modi (@narendramodi) March 29, 2021

دریں اثنا وزیر اعظم نریندر مودی نے پیر کے روز بدی پر نیکی کی جیت کی علامت ہولی تہوار کے موقع پر اہل وطن کو مبارکباد پیش کی۔ وزیر اعظم نریندر مودی نے ٹویٹ کیا کہ "آپ سب کو ہولی بہت مبارک ہو۔ خوشی و مسرت، جوش و لطف اندوزی کا یہ تہوار ہر شخص کی زندگی میں نیا ​​جوش و جذبہ پیدا کرے"۔