راجناتھ سنگھ کا دعویٰ، 'پاکستان پرگزشتہ پانچ سال میں تین بارکیا گیا ایئراسٹرائیک'۔

وزیرداخلہ راجناتھ سنگھ نےکہا ہے کہ گزشتہ پانچ سال میں ہندوستان نے پاکستان پرتین بارفضائی حملے کئے ہیں۔ راجناتھ سنگھ کے مطابق سال 2016 میں سرجیکل اسٹرائیک اور پھرگزشہ ماہ پلوامہ حملے کے بعد پاکستان پرایئراسٹرائیک کےعلاوہ ایک اورحملہ ہوا ہے۔ حالانکہ انہوں نے پاکستان پرہوئے تیسرے حملے کے بارے میں زیادہ اطلاع نہیں دی۔

وزیرداخلہ نے یہ باتیں کرناٹک کے منگلورومیں کہیں۔ انہوں نےکہا کہ 'گزشتہ پانچ برسوں میں ہم نے تین باراپنی سرحد کے باہرجاکرایئراسٹرائیک کرکے کامیابی حاصل کی ہیں۔ دوکی اطلاع دوں گا، لیکن تیسرے کی نہیں دوں گا'۔

اس سے قبل ہفتہ کووزیراعظم نریندرمودی نے ایک تقریب کو خطاب کرتے ہوئے ایئراسٹرائیک کے ثبوت مانگنے والوں پربھی جم کرحملہ کیا۔ وزیراعظم نے کہا 'ایئراسٹرائیک کے بعد سب سے پہلے پاکستان نے ٹوئٹ کرکے کہا کہ ہندوستان کی فوج نے ہمارے گھرمیں گھس کرمارا ہے'۔

#WATCH Union Home Minister Rajnath Singh at a public rally in Mangaluru: Pichle 5 varsho mein, teen baar apni seema ke bahar jaa kar hum logon ne air strike kar kaamyaabi haasil ki hai. Do ki jaankari apko dunga, teesri ki nahi dunga. #Karnataka pic.twitter.com/NZKeJPulrS

— ANI (@ANI) March 9, 2019

وزیراعظم مودی نے کہا کہ ہندوستانی جانبازوں کی بہادری سے پاکستان اس قدرگھبرا گیا تھا کہ پانچ بجے ہی چلانے لگا کہ مودی نے مارا مودی نے مارا۔ تاہم ہمارے ملک میں کچھ ایسے سرپھرے لوگ ہیں، جنہوں نے 9-8 بجتے ہی کہنا شروع کردیا کہ پتہ نہیں یہ بالا کوٹ کہاں ہے اوروہاں کیا کیا ہوا۔