لوک سبھا: جموں وکشمیرمیں پاکستان کی جانب سے کی جارہی یہ سازش، کشن ریڈی کا بیان

لوک سبھا میں وزارت داخلہ نے جموں کشمیرمیں دہشت گردی واقعات کے حوالے سے بیان دیا ہے۔وزیر مملکت داخلہ جی کشن ریڈی نے کہا کہ 5 اگست کے بعد جموں کشمیر میں دہشت گردی کے مختلف واقعات میں 19 افراد مارے گئے ہیں۔ وزارت داخلہ نے کہا ہے کہ 5 اگست کے بعد جموں کشمیر میں دہشت گرد انہ حملوں میں کمی آئی ہے ۔ انہوں نے کہا کہ 5 اگست سے27 نومبر کے درمیان دہشت گردی کے 28 واقعات پیش آئے ہیں۔دوسری جانب سرحد پار سے دراندازی کےمعاملوں میں کافی اضافہ ہواہے۔

MHA in Lok Sabha on number of civilians including Non-Kashmiri labourers killed in J&K, after abrogation of Article 370: As per the report of Government of J&K, 19 civilians including non-Kashmiri labourers were killed in terror related incidents since 5th August, 2019. pic.twitter.com/poy7uWDF5g

— ANI (@ANI) December 3, 2019

جی کشن ریڈی نے کہا کہ رواں سال 114 مرتبہ دراندازی کی کوشش کی گئی ۔ وزارت داخلہ نے یہ بھی کہا کہ 2019 میں اب تک 157 دہشت گرد مارے گئے ہیں۔ جموں کشمیرمیں حالیہ پابندیوں کے تناظرمیں وہاں کی معیشت کوہوئے نقصانات کےتعلق سے سوال پر وزارت داخلہ نے کہا کہ حکومت کواس معاملے میں جموں کشمیراورلداخ انتظامیہ سے کوئی رپورٹ موصول نہیں ہوئی ہے۔

MHA in Lok Sabha: There has been increase in the number of infiltration attempts from across the border. During the 88 day period from 5th August 2019 - 31st October 2019 there have been 84 such attempts as against 53 such attempts from 9th May 2019 - 4th August 2019. https://t.co/UYODO9vSgQ — ANI (@ANI) December 3, 2019

وہیں لداخ کو آئین ہند کےچھٹویں شیڈول میں شامل کرنے کے بارے میں سوال کا جواب دیتے ہوئے حکومت نے کہا کہ نیشنل کمیشن برائے شیڈول ٹرائبس نے لداخ کو چھٹویں شیڈول میں شامل کرنے کی سفارش کی ہے تاہم جموں کشمیر تنظیم جدید قانون کے تحت نئی یونین ٹریٹری میں خودمختاری پہاڑی کونسل کا نفاذ برقرار رہے گا اوراس کونسل کو بھی چھٹویں شیڈول کے مماثل اختیارات حاصل ہیں۔