ہوم » نیوز » شمالی ہندوستان

Vijay Diwas 2020: وزیر اعظم  مودی نے 1971 کی جنگ کے جانبازوں کو دی سلامی ، وار میموریل میں  جلائی وجے جیوتی

وزیر اعظم مودی نے آج وجے دیوس کے موقع پر وجے جیوتی یاترا کو راجدھانی دہلی سے روانہ کیا ۔ وجے جیوتی یاترا میں چار وجے جیوتی ایک سال کی مدت میں پورے ملک کے چھاونی علاقوں کا دورہ کرے گی ۔

  • Share this:
Vijay Diwas 2020: وزیر اعظم  مودی نے 1971 کی جنگ کے جانبازوں کو دی سلامی ، وار میموریل میں  جلائی وجے جیوتی
وزیر اعظم  مودی نے 1971 کی جنگ کے جانبازوں کو دی سلامی ، وار میموریل میں  جلائی وجے جیوتی

ہندوستان اور پاکستان کے درمیان سال 1971 میں جنگ کو آج 50 سال پورے ہوگئے ہیں ۔ 16 دسمبر کو ہندوستان میں وجے دیوس کے طور پر منایا  جاتا ہے ۔ اسی دن ہندوستان نے پاکستان کے خلاف 1971 میں جیت حاصل کی تھی اور ایک ملک  کے طور پر بنگلہ دیش کا وجود عمل میں آیا تھا ۔ وجے دیوس کے موقع پر وزیر اعظم نریندر مودی نے نئی دہلی میں واقع نیشنل وار میموریل میں وجے جیوتی جلائی ۔ وزیر اعظم نے اس دوران 1971 کی  جنگ کے جانبازوں کو یاد کیا اور خراج عقیدت پیش کیا ۔


وزیر اعظم مودی نے آج وجے دیوس کے موقع پر وجے جیوتی یاترا کو راجدھانی دہلی سے روانہ کیا ۔ وجے جیوتی یاترا میں چار وجے جیوتی ایک سال کی مدت میں پورے ملک کے چھاونی علاقوں کا دورہ کرے گی ۔ ان میں 1971 جنگ کے پرمویر چکر اور  مہاویر چکر یافتہ فوجیوں کے گاوں بھی شامل ہیں ۔ اگلے سال نئی دہلی میں یہ یاترا پوری ہوگی ۔






وجے دیوس کے موقع پر مرکزی وزیر داخلہ امت شاہ ، مرکزی وزیر دفاع راجناتھ سنگھ اور کانگریس لیڈر راہل گاندھی نے بھی باشندگان وطن کو  مبارکباد دی ۔







بتادیں کہ سال 1971 میں ہندوستان اور پاکستان کے درمیان جنگ ہوئی ، جس میں ہندوستانی فوج نے پاکستانیوں کو دھول چٹادی اور بنگلہ دیش نام سے ایک نیا ملک دنیا کے نقشے پر وجود میں آیا ۔ تین دسمبر 1971 کو پاکستان نے لڑائی کی شروعات تو کردی ، لیکن ہندوستانی فوج کے حملہ کے سامنے اس کو صرف 13 دنوں میں ہی گھٹنے ٹیکنے پڑے ۔
Published by: Imtiyaz Saqibe
First published: Dec 16, 2020 10:24 AM IST