آئی پی ایل کو مہاراشٹر کی ہری جھنڈی، بغیر رکاوٹ کے میچوں کا ہوگا انعقاد: نواب ملک

ممبئی: کورونا وائرس کی وجہ سے آئی پی ایل کے پروگراموں میں تبدیلی کے قیاس لگائے جاریے تھے، لیکن مہاراشٹر سرکار نے پورے صورت حال کو واضح کردیا یے۔ حکومت کا کہنا ہے کہ میچوں کا انعقاد پہلے طے شدہ پروگراموں کے مطابق بغیر کسی روکاؤٹ کے ہوگا۔ مہاراشٹر میں کورونا وائرس کے ریکارڈ معاملے سامنے آنے کے باوجود ممبئی میں آئی پی ایل میچوں کے منعقد کرانے کی ہری جھنڈی مل گئی ہے۔

مہاراشٹر حکومت نے اعلان کیا ہے کہ ممبئی میں آئی پی ایل میچوں کا انعقاد بغیرکسی رکاوٹ کے ہوگا۔ مہاراشٹر حکومت نے واضح کر دیا یے کہ میچ کے دوران شائقین کو میدان میں جانے کی اجازت نہیں ہوگی۔ مہاراشٹر حکومت میں وزیر نواب ملک نے آئی پی ایل میچوں کے تعلق سے صورتحال واضح کردی ہے۔ انہوں نے کہا کہ آئی پی ایل کے انعقاد کو ہری جھنڈی دے دی گئی ہے، لیکن میچوں کا انعقاد سخت ضابطے کے تحت ہوگا۔ شائقین کو اسٹڈیم میں جانے کی اجازت نہیں ہوگی۔ کھلاڑیوں اور اسٹاف کوبایو ببل میں آئیسولیٹ رہنا ہوگا۔

بی سی سی آئی نے کھلاڑیوں کےلئے ویکسین کا مطالبہ کیا تھا۔ نواب ملک نے کہا کہ بی سی سی آئی تمام کھلاڑیوں کو ویکسین لگوانا چاہتی تھی، لیکن آئی سی ایم آرکی گائڈ لائن کی وجہ سے ایسا نہیں ہو پایا۔ فی الحال ہم 45 سال سے کم عمر کے لوگوں کو ویکسین نہیں لگا سکتے۔

واضح رہے کہ کچھ دنوں سے مہاراشٹر میں روزانہ کورونا کے نئے مریض بڑی تعداد میں سامنے آ رہے ہیں۔ ریاست میں لاک ڈاون کی واپسی کے ساتھ ہی ممبئی میں ہونے والے میچوں  پر سوالیہ نشان لگ گئے تھے۔ ایسی قیاس آرائی کی جارہی تھی کہ میچوں کا انعقاد ممبئی کے بجائے حیدر آباد میں ہو سکتا ہے۔ بی سی سی آئی نے حالانکہ پہلے ہی واضح کردیا تھا کہ ممبئی میں ہونے والے میچوں کو لے کرکوئی تبدیلی نہیں ہوگی۔ ممبئی میں 10 اپریل سے 24 اپریل کے بیچ آئی پی ایل میچ کھیلے جائیں گے۔ آئی پی ایل کے 14 سیزن کی شروعات 9 اپریل سے شروع ہوگی۔