عرفان پٹھان اور کنگنا رناوت اسرائیل ۔ فلسطین کے معاملہ پر بھڑے ، سوشل میڈیا پر چھڑی 'جنگ'

نئی دہلی : بالی ووڈ اداکارہ کنگنا رناوت کا ٹویٹر اکاونٹ حال ہی میں معطل کردیا گیا ہے ، اس کے باوجود وہ سوشل میڈیا پر سرگرم رہتی ہیں اور اپنے خیالات شیئر کرنے کیلئے انسٹاگرام کا سہارا لے رہی ہیں ۔ انہوں نے اسرائیل ۔ فلسطین کے معاملہ میں سوشل میڈیا پر اسرائیل کی حمایت کی ہے ۔ اسی درمیان سابق آل رانڈر عرفان پٹھان نے کنگنا کو اس معاملہ پر جم کر سنایا ۔

عرفان پٹھان نے سوشل میڈیا پر منگل کو فلسطین کی حمایت کی تھی ۔ انہوں نے ساتھ ہی کگیسو ربادا کے ٹویٹ کو بھی ری ٹویٹ کیا ، جس میں انہوں نے '#PrayforPalestine' لکھا تھا ۔ اسی درمیان بالی ووڈ اداکارہ کنگنا رناوت نے انسٹاگرام اسٹوری میں اپنا میسیج شیئر کیا ۔ کنگنا نے اپنی ایک انسٹاگرام اسٹوری میں ممبر اسمبلی دنیش چودھری کا ٹویٹ بھی شیئر کیا ۔

کنگنا رناوت نے فلسطین کے شہر غزہ پر اسرائیل کے سبھی فوجی حملوں کی تعریف کی اور اس کو شدت پسند اسلامی دہشت گرد کے خلاف لڑائی بتایا ۔ انہوں نے لوگوں کو اسرائیل سے کچھ سبق لینے اور دہشت گردی کے خلاف لڑائی کی مخالفت اور زبانی تنقید نہیں کرنے کا بھی مشورہ دیا ۔

کنگنا رناوت نے اپنی انسٹاگرام اسٹوری پر لکھا کہ جو لوگ سوچتے ہیں کہ دہشت گردی کا جواب دھرنا اور سخت تنقید سے دیا جانا چاہئے ، انہیں اسرائیل سے سیکھنا چاہئے ۔ کنگنا نے مزید لکھا کہ شدپ پسند اسلامک ٹیررزم سے اپنے ملک اور لوگوں کو بچانا ہر ملک کا بنیادی حق ہے اور ہندوستان اس میں اسرائیل کے ساتھ کھڑا ہے ۔



ادھر کیرات سے بی جے پی کے ممبر اسمبلی دنیش چودھری نے اپنے ٹویٹ میں لکھا تھا : عرفان پٹھان کو دوسرے ملک سے اتنا لگاو ہے ، لیکن خود کے ملک میں بنگال پر ٹویٹ نہیں کرپائے ۔



عرفان پٹھان نے پھر جواب دیتے ہوئے لکھا : میرے سبھی ٹویٹ انسانیت یا باشندگان وطن کیلئے ہوتے ہیں ، اس میں اس شخص کا ذاتی نظریہ ہوتا ہے ، جس نے ملک کی اعلی سطح پر نمائندگی کی ہے ۔ وہیں مجھے کنگنا ، جن کا اکاونٹ نفرت پھیلانے کی وجہ سے معطل کردیا گیا ہے اور کچھ ایسے لوگ جن کے پیڈ اکاونٹ سے صرف نفرت پھیلائی جاتی ہے ، سے سننا پڑتا ہے ۔

All My tweets are either 4 humanity or countrymen, from a point of view of a guy who has represented India at d highest level. On d contrary counters I get from ppl like Kangna who’s account get dismissed by spreading hate n some other paid accounts are only about hate. #planned

— Irfan Pathan (@IrfanPathan) May 13, 2021

بتادیں کہ کنگنا کے ٹویٹر اکاونٹ کو حال ہی میں اس وقت معطل کردیا گیا ، جب انہوں نے متنازع ٹویٹ پوسٹ کیا تھا ۔ بعد میں انہوں نے اپنے انسٹاگرام اکاونٹ کا استعمال کرنا شروع کردیا ۔ وہ سوشل میڈیا پر کئی مرتبہ جارحانہ اور متنازع پوسٹ شیئر کرتی ہیں ۔