کانگریس لیڈر جے رام رمیش نےکہا 'ملک کے4 عظیم اسپنروں سے بھی بڑے اسپنرتھےارون جیٹلی

منموہن سنگھ حکومت میں وزیر رہے جے رام رمیش نےکہا کہ ملک میں چارعظیم اسپنرہوئے ہیں، بشن سنگھ بیدی، پرسنا، چندرشیکھراوروینکٹ راگھون، لیکن ان چاروں کوجب ملا دیا جائے توارون جیٹلی کی سطح کا اسپنربنتا ہے۔

Aug 24, 2019 05:52 PM IST | Updated on: Aug 24, 2019 05:53 PM IST
کانگریس لیڈر جے رام رمیش نےکہا 'ملک کے4 عظیم اسپنروں سے بھی بڑے اسپنرتھےارون جیٹلی

ارون جیٹلی کےانتقال پرکانگریس کےسینئر لیڈراورراجیہ سبھا رکن جے رام رمیش نے سب سے منفرد اوردوستانہ طریقے سے خراج عقیدت پیش کیا ہے۔

سابق وزیرخزانہ اور بی جے پی لیڈرارون جیٹلی کے انتقال پرکانگریس کے سینئر لیڈراورراجیہ سبھا رکن جے رام رمیش نے سب سے منفرد اوردوستانہ طریقے سے خراج عقیدت پیش کیا ہے۔ اپنے ایک ٹوئٹرپیغام میں جے رام رمیش نے کہا کہ کبھی انہوں نے ارون جیٹلی کوملک کا عظیم اسپنرکہا تھا۔ ملک میں چارعظیم اسپنرہوئے ہیں، بشن سنگھ بیدی، پرسنا، چندرشیکھر اوروینکٹ راگھون، لیکن ان چاروں کوجب ملا دیا جائے توارون جیٹلی کی سطح کا اسپنربنتا ہے۔

جے رام رمیش نے کہا 'جیٹلی ایسے بھاجپائی تھے، جوہرغیربی جے پی کے فیوریٹ تھے۔ جموں وکشمیرکانگریس کے عظیم لیڈرکے داماد ملک کے سب سے بہترین قانونی اورسیاسی دماغوں میں سےایک تھے۔ ان کے مزاحیہ لہجےاورحاضرجوابی کا کوئی ثانی نہیں'۔  اسی پیغام میں جے رام رمیش نے آگے لکھا 'ایک بارمیں نےکہا تھا کہ بیدی + پرسنا+ چندر+ وینکٹ کوملا لوتب جیٹلی کی سطح کا اسپنرتیارہوتا ہے۔ اس بات کا انہوں نے بھی خوب مزہ لیا تھا'۔

Loading...

Jairan-Ramesh

واضح رہے کہ لیڈرہونے کےعلاوہ جیٹلی طویل وقت تک دہلی کرکٹ ایسوسی ایشن کے صدر بھی رہے تھے۔ جیٹلی کے بارے میں اس اقتباس کویاد کرنےکےساتھ ہی رمیش نےکہا کہ جی ایس ٹی کاونسل کی تشکیل جیٹلی کے سب سے بڑے تعاون میں سے ایک ہے۔

قابل ذکرہےکہ جے رام رمیش اورارون جیٹلی دونوں ہی راجیہ سبھا رکن پارلیمنٹ تھے۔ منموہن سنگھ حکومت کے دوران رمیش کماروزیرتھےاورجیٹلی اپوزیشن لیڈر۔ وہیں مودی حکومت میں دونوں کے کردارکی تبدیلی ہوگئی تھی۔ جیٹلی ویسے بھی ایک زبردست مزاحیہ شخص اورقصہ گوکے طورپرجانے جاتے تھے۔

کپل سبل نے شیئرکی تصویر

ارون جیٹلی کے انتقال کے بعد کانگریس لیڈرکپل سبل نے انہیں ایک پرانا دوست اورایک بہترین معاون جیسے الفاظ کے ساتھ خراج عقیدت پیش کی۔ سیاست میں بھلے ہی دونوں ایک دوسرے کے مخالف ہوں، لیکن ذاتی زندگی میں دونوں ایک دوسرے کے اچھے دوست تھے۔

کپل سبل نے کہا 'یہ جان کربہت دکھ ہوا ہے کہ ارون جیٹلی اب نہیں رہے۔ ایک پرانے دوست اوربہترساتھی کوہندوستان کے وزیرخزانہ کے طورپران کی پالیسیوں اورتعاون کے لئے ان کویاد کیا جائے گا۔ وہ ایک بے مثال اپوزیشن کے لیڈرتھے، وہ ہمیشہ اپنے دوستوں کے لئے اوراپنی پارٹی کے لئے مسلسل کھڑے رہے'۔

اس کے ساتھ ہی کپل سبل نےکہا کہ بی جے پی آج جوہے وہ ارون جیٹلی کی وجہ سے ہی ہے۔

Loading...