جموں وکشمیر: کولگام میں مسلح ملی ٹینٹوں کا پولیس پارٹی پر حملہ، سرچ آپریشن جاری

کولگام: یاری پورہ کولگام میں آج بعد دوپہر مسلح ملی ٹینٹوں نے ایک پولیس پارٹی پر حملہ کیا، جس کے نتیجے میں وہاں موجود ایک ہیلتھ ملازم امتیاز احمد گولیوں کے تبادلے میں زخمی ہوا۔ جس کو سینے میں گولی لگی اگرچہ اسے فوری طور مقامی اسپتال میں داخل کیا گیا تاہم بعد میں اسے سری نگر اسپتال منتقل کیا گیا ہے۔

کولگام: یاری پورہ کولگام میں آج بعد دوپہر مسلح ملی ٹینٹوں نے ایک پولیس پارٹی پرحملہ کیا۔جس کے نتیجے میں وہاں موجود ایک ہیلتھ ملازم امتیاز احمد گولیوں کے تبادلے میں زخمی ہو گئے۔ جنہیں سینے میں گولی لگی اگرچہ انہیں فوری طور مقامی اسپتال میں داخل کیا گیا۔دیکھیں ویڈیو@ZAHOORRAZVI1 pic.twitter.com/Ew09X5Vf9g

— News18 اردو (@News18Urdu) June 4, 2020

دوسری جانب سیکورٹی فورسز نے پورے علاقے کو اپنی تحویل میں لے لیا اور سریچ آپریشن جاری ہے۔ بتایا جاتا ہے کہ ایک گاڑی جس میں ملی ٹینٹ سوار تھے، موقع واردات پر ہی چھوڑ کر فرار ہوئے۔ تاہم پولیس نے گاڑی کو اپنی تحویل میں لے لیا ہے اور محاصرہ جاری ہے۔ موقع واردات پر کچھ دیر فائرنگ ہوئی۔ تاہم پھر فائرنگ بند ہو گئی ہے۔

کولگام سے ظہور رضوی کی رپورٹ