پاک مقبوضہ کشمیر میں ایک ہو رہی ہیں دہشت گرد تنظیمیں، کشمیر میں 'جہاد' کی دے رہے دھمکی

جموں و کشمیر میں آرٹیکل 370 (آرٹیکل -370) کی منسوخی کے بعد سے  پاکستان بوکھلایا  ہوا ہے۔ پاکستان کی دہشت گرد تنظیمیں کشمیر کے ماحول کو خراب کرنے کی ہر ممکن کوشش کر رہی ہیں ۔ اسی درمیان پاک مقبوضہ کشمیر (پی او کے) کے مظفر آباد کا ایک ویڈیو منظر عام پر آیا ہے۔   جس میں وہاں کے لوگ ہندوستان کے خلاف مظاہرہ کرتے نظرآ رہے ہیں۔ ویڈیو میں واضح طور پر دیکھا جاسکتا ہے کہ ہندوستان کے خلاف 'جہاد' شروع کرنے کے مقصد سے دہشت گرد تنظیموں کو دوبارہ جوڑنے کی کوششیں تیز کردی گئی ہیں۔

حزب المجاہدین کے سربراہ سید صلاح الدین کی سربراہی میں پاکستانی حکام ، دہشت گرد تنظیم حزب المجاہدین اوریونائیٹڈ جہاد کونسل (یو جے سی) کو ہندوستان کے خلاف جہاد کرنے کیلئے پراکسارہے ہیں۔

جموں وکشمیر کے آرٹیکل 370 اور اے 35کو ہٹانے کے بعد  سے پاکستان کے ساتھ ہی  دہشت گرد تنظیموں میں بھی بوکھلاہٹ دیکھی جارہی ہے۔

حزب المجاہدین کے خالد سیف اللہ اور نائب امیر کے ساتھ مجاہدین کے  سابق دہشت گردوں نے جمعرات کو مظفر آباد  پریس کلب کے باہر احتجاجی مظاہرہ کیا۔ سیف اللہ نے ہندوستان کے خلاف نفرت انگیز تقریر میں کہا ، 'کوئی بھی کارروائی الفاظ سے زیادہ کام کرتی ہے۔ میرے دوست ، ہم سب جہاد کے لئے تیار ہیں'۔

دوسری جانب خبر ہے کہ ممبئی دہشت گردانہ حملے کا ماسٹر مائنڈ حافظ سعید اب نئے سرے سے دہشت گرد سرگرمیوں کو انجام دینے کہ فراق  میں ہے۔ گزشتہ دنوں حافظ سعید کی تنظیم جماعت الدعوۃ پرپاکستان میں پابندی عائد کر دی گئی تھی۔ ایسی صورتحال میں اب وہ دوسری تنظیموں سے بھی ہاتھ ملا رہا ہے۔ خفیہ رپورٹ کے مطابق حافظ سعید منی لانڈرنگ کے ذریعہ دوسری دہشت گرد تنظیموں کو رقم بھیج رہا ہے۔ سعید کو رواں سال جولائی میں گرفتار کیا گیا تھا۔
حافظ سعید پر ٹیرر فنڈنگ کا مقدمہ چل رہا ہے۔ دہشت گردی کے لئے رقم جٹانے کے الزامات پر سماعت 2 ستمبر سے شروع ہوگی۔سال  2009 میں درج ٹیرر فنڈنگ کے ایک معاملےمیں پاکستان میں پنجاب پولیس کے دہشت گرد مخالف محکمہ نے اسے لاہور سے گرفتار کیا تھا۔