تبلیغی جماعت کے 25 ہزار کارکنان کو کیا گیا کوارنٹائن، وزارت داخلہ کی جوائنٹ سکریٹری کا بیان

نئی دہلی: کورونا وائرس (Coronavirus) کے انفیکشن کو تیزی سے پھیلنے سے روکنے کےلئے تبلیغی جماعت (Tablighi Jamaat) اور ان کے رابطے میں آئے 25 ہزار کارکنان کو پورے ملک میں کوارنٹائن کردیا گیا ہے۔ تبلیغی جماعت کے کارکنان ہریانہ کے جن پانچ گاوں میں گئے تھے، ان گاووں کو بھی سیل کردیا گیا ہے۔ وزارت داخلہ (Ministry of Home Affairs) کی جوائنٹ سکریٹری پنیہ سلیلا شریواستو (Punya Salila Srivastava) نے پیرکو یہ اطلاع دی۔

متاثرین کی تعداد 76 فیصد

وزارت صحت کے جوائنٹ سکریٹری لو اگروال نے اطلاع دی کہ گزشتہ 24 گھنٹے میں 693 معاملے سامنے آئے ہیں، جس سے ہندوستان میں متاثرہ لوگوں کی تعداد بڑھ کر 4067 ہوگئی ہے۔ اس میں سے 1445 معاملے ایسے ہیں، جو تبلیغی جماعت سے منسلک ہیں۔ متاثرین میں 76 فیصد مرد ہیں جکہ 24 فیصد خواتین ہیں۔

We have quarantined over 25,000 Tablighi Jamaat workers and their contacts; 5 Haryana villages where they visited have been sealed: Punya Salila Srivastava, Joint Secretary, Ministry of Home Affairs (MHA) pic.twitter.com/sik9kxV6vE

— ANI (@ANI) April 6, 2020

لمبی ہے کورونا سے ہماری لڑائی

ہندوستان میں کورونا وائرس کے معاملے تیزی سے بڑھ رہے ہیں۔ متاثرین کی تعداد اب 4067 ہوگئی ہے۔ ان میں سے 3666 ایکٹیو معاملے ہیں۔ کورونا سے اب تک 110 لوگوں کی موت ہوچکی ہے جبکہ 291 لوگ ٹھیک ہوگئے ہیں۔ اسی بیچ وزیراعظم مودی نے بی جے پی کے 40 ویں یوم تاسیس پر کارکنان کو خطاب کیا۔ وزیراعظم مودی نے کہا کہ کورونا سے ہماری لڑائی لمبی ہے۔ ہمیں نہ تو تھکنا ہے اور نہ ہرانا ہے۔ اس لڑائی میں ہمیں صرف جیتنا ہے۔