امریکہ میں کورونا کی وجہ سے ٹرمپ ہارے ، پی ایم مودی نے کئے جرات مندانہ فیصلے : جے پی نڈا

دہرادون : اتراکھنڈ پہنچے بھارتیہ جنتا پارٹی کے قومی صدر جے پی نڈا نے وزیر اعظم مودی کی جم کر تعریف کی ۔ انہوں نے امریکہ اور ہندوستان میں جاری کورونا وائرس کے حالات کا موازنہ کرڈالا ۔ نڈا نے دعوی کیا کہ کورونا کے معاملہ پر ہی امریکی صدر ڈونالڈ ٹرمپ اس مرتبہ کا الیکشن ہار گئے ۔ اس کے علاوہ انہوں نے ملک میں لاک ڈاون کے فیصلہ پر بھی گفتگو کی ۔

اتوار کو اتراکھنڈ میں بی جے پی کارکنان سے تبادلہ خیال کے دوران پارٹی کے قومی صدر نڈا نے امریکہ میں کورونا وائرس کے مینجمنٹ پر بات کی ۔ انہوں نے کہا کہ امریکہ کا الیکشن بھی تو کورونا کو صحیح طریقہ اور غلط طریقہ سے سنبھالے جانے پر ہوگیا ۔ ٹرمپ کو اقتدار گنوانی پڑگئی ۔ صدر کا عہدہ کھونا پڑگیا ۔ وہیں انہوں نے امریکہ کی وبا کے دوران پالیسیوں پر بھی سوالات اٹھائے ۔

جے پی نڈا نے کہا کہ آج بھی امریکہ جانتا نہیں ہے کہ جان ضروری ہے یا جہان ۔ آج بھی وہ فیصلہ نہیں کرپارہا ہے کہ صحت ایشو ہے یا معیشت ۔ امریکہ سے موازنہ کرتے ہوئے انہوں نے وزیر اعظم مودی کی تعریف کی ۔ انہوں نے کہا : ہمارے مودی جی نے 130 کروڑ لوگوں کے ملک کی سب سے آگے کھڑے ہوکر قیادت کی اور وقت پر بلند ارادے کے ساتھ بلند فیصلے کئے ۔ لاک ڈاون لگایا ، بولڈ فیصلہ کیا اور 130 کروڑ کے ملک کو بچالیا ۔ وزیر اعظم مودی نے کہا کہ جان ہے تو جہان ہے ، اس لئے لاک ڈاون لگایا ۔

سب سے زیادہ متاثر ہے امریکہ

خاص بات ہے کہ کورونا وائرس کی چین توڑنے کیلئے حکومت نے مارچ کے آخر میں لاک ڈاون لگایا تھا ۔ اس دوران دفاتر ، تعلیمی ادارے سمیت سبھی جگہوں پر تالا لگا دیا گیا تھا ۔ وہیں امریکہ کورونا وبا سے سب سے زیادہ متاثر ملک ہے ۔ امریکہ میں اب تک دو لاکھ 87 ہزار سے زیادہ افراد اپنی جانیں گنوا چکے ہیں ۔