Kanpur Violence:سنگباری کرنے والا ایک اور گرفتار، فوٹیج کے ذریعے ملزم کی پہچان کرنے کا دعویٰ

Kanpur Violence: کانپور کے نیو روڈ پر 3 جون کو ہنگامہ آرائی میں، ایس آئی ٹی نے منگل کو ایک اور بدمعاش کو گرفتار کیا اور اسے جیل بھیج دیا۔ پولیس کا دعویٰ ہے کہ ملزم پتھراؤ میں ملوث تھا، اس کی فوٹیج بھی موجود ہے۔ ہنگامہ آرائی کے مرکزی ملزم حیات ظفر ہاشمی سمیت اب تک 58 ملزمان کو جیل بھجوایا جا چکا ہے۔ اے سی پی کرنل گنج تریپوراری پانڈے نے بتایا کہ مول گنج کے رہنے والے فیضان کو منگل کو گرفتار کیا گیا ہے۔

بریانی دکان مالک کے بھائی کو اٹھایا
ہنگامے کے بعد ایس آئی ٹی نے چار دنوں تک لگاتار ملزمین کی گرفتاریاں کی تھیں۔ اس کے بعد سے کارروائی ٹھنڈی پڑ گئی تھی۔ منگل سے دوبارہ گرفتاریاں شروع ہوگئی ہیں۔ جانکاری کے مطابق فنڈنگ کرنے میں جس بریانی دکاندار کا نام سامنے آرہا ہے، اس کے بھائی کو پولیس نے حراست میں لیا ہے۔ پوچھ تاچھ کی جارہی ہے۔ اندیشہ ہے کہ اس کا بھی کنکشن حیات اینڈ کمپنی سے ہے۔

یہ بھی پڑھیں:
Agneepath Recruitment: انڈین آرمی میں اگنی پتھ اسکیم کے تحت بھرتی 2022، جانیے تفصیلات

یہ بھی پڑھیں:
Agnipath row: احتجاج کےدوران ٹرینوں کی منسوخی، ہوائی جہازکےکرایوں میں زبردست اضافہ

ہنگامہ آرائی میں پی ایف آئی (پاپولر فرنٹ آف انڈیا) کے ارکان کی گرفتاری کے بعد ای ڈی بھی سرگرم ہوگئی ہے۔ پولیس کمشنر نے ایک خط لکھ کر ملزم کے بارے میں معلومات مانگی تھی۔ بنیادی طور پر حیات ظفر ہاشمی، سفیان، راحیل، جاوید، نظام قریشی اور پی ایف آئی کے تینوں اراکین کے بارے میں معلومات اکٹھی کی جا رہی ہیں۔ سب کے بینک اکاؤنٹس، جائیدادوں کی تلاشی لی جا رہی ہے۔