உங்கள் மாவட்டத்தைத் தேர்வுசெய்க

    Kanpur Violence:عبدالحسیب کی تفصیل تلاش کررہی ہے پولیس، لیدر کاروباری کو دی تھی دھمکی

    کانپور میں سود پر لین دین کرنے والے عبدالحسیب کی کنـڈلی کھنگال رہی ہے پولیس۔

    کانپور میں سود پر لین دین کرنے والے عبدالحسیب کی کنـڈلی کھنگال رہی ہے پولیس۔

    Kanpur Violence: عبدالحسیب فی الحال نینی تال میں ہے۔ وہ اپنے بھائیوں تاریخ، لطیف اور جاوید کی مدد سے لوگوں سے سود کی رقم کی وصولی کرواتا ہے۔ لیدر تاجر اور عبدالحسیب میں تجارتی لین دین کا تنازع ہے۔

    • Share this:
      Kanpur Violence: کانپور میں پولیس نے مسلم ایسوسی ایشن کے جنرل سکریٹری عبدالحسیب کی کنڈلی کی جانچ شروع کردی ہے۔ نئی سڑک کے ہنگامے کے بعد وائرل ہونے والے گمنام خط میں حسیب کے کالے کارناموں کا ذکر کیا گیا۔ اس سے ناراض ہو کر حسیب نے چمڑے کے تاجر شعیب انصاری اور اس کے بھائی اشفاق ساکن ججماؤ انگوری باغ کو دھمکیاں دیں۔
      8 مئی کو ایک گمنام خط سوشل میڈیا پر وائرل ہوا تھا۔ خط میں مسلم ایسوسی ایشن کے جنرل سیکرٹری عبدالحسیب، مختار بابا اور بلڈر وصی کو آپس میں شراکت دار بتایا گیا ہے۔ خط میں نئی ​​سڑک کے ہنگامہ آرائی کے حوالے سے بھی لکھا گیا تھا۔

      حسیب کو شبہ تھا کہ چمڑے کے تاجر اور اس کے بھائی نے یہ خط وائرل کیا ہے۔ اسی معاملے کی تفتیش کر رہی پولس کو معلوم ہوا کہ حسیب کے خلاف بیکن گنج، چمن گنج اور بجریا تھانوں میں دھوکہ دہی، دھمکی سمیت دیگر مجرمانہ مقدمات درج ہیں۔

      دو نمبر کی کمائی کو ایسے کرتا تھا ایک نمبر
      ذرائع کے مطابق حسیب نے کالے دھن کو نمبر ون میں تبدیل کرنے کے لیے تین فرمیں (ایم ایس کوالٹی لیدر، علیمہ ایکسپورٹ اور حور لیدر) کھول رکھا ہے۔ فرموں کے ذریعے وہ روپے پر سود دیتا ہے۔ سود کے روپے کو دوسری فرموں سے بل دے کر ایک نمبر میں تبدیل کرتا ہے۔ وقت پر سود کی رقم نہ ملنے کی صورت میں لوگوں کی جائیدادوں پر زبردستی قبضہ کر لیتا ہے۔

      یہ بھی پڑھیں:

      UP News:وزیراعلیٰ یوگی آدتیہ ناتھ کا اعلان-ریاست میں پٹرول-ڈیزل پر نہیں بڑھے گا ویٹ

      یہ بھی پڑھیں:
      PLA: پیپلز لبریشن آرمی میں ہندی بولنے والے تبتیوں اور نیپالیوں کی بھرتیاں! آخر کیا ہے وجہ؟

      نینی تال میں بیٹھ کر بھائیوں سے کراتا تھا وصولی
      عبدالحسیب فی الحال نینی تال میں ہے۔ وہ اپنے بھائیوں تاریخ، لطیف اور جاوید کی مدد سے لوگوں سے سود کی رقم کی وصولی کرواتا ہے۔ لیدر تاجر اور عبدالحسیب میں تجارتی لین دین کا تنازع ہے۔ گمنام خط وائرل ہونے پر عبدالحسیب نے کاروباری کو شک کی بنیاد پر دھمکی دی تھی۔ رپورٹ درج کر کے اس کی جانچ اے سی پی کینٹ کررہے ہیں۔
      Published by:Shaik Khaleel Farhaad
      First published: