کرناٹک انتخابات میں جیت پر وزیراعظم مودی نے کانگریس کو دی مبارکباد، بی جے پی کارکنان کی محنت کی بھی سراہنا کی

نئی دہلی : وزیراعظم نریندر مودی نے کرناٹک انتخابات کے نتائج کے بعد ٹویٹ کرکے کہا کہ کرناٹک اسمبلی انتخابات میں جیت کیلئے کانگریس پارٹی کو مبارکباد دیتا ہوں ، لوگوں کی امیدوں کو پورا کرنے کیلئے میری نیک خواہشات، میں ان سبھی کا شکریہ ادا کرتا ہوں جنہوں نے کرناٹک انتخابات میں ہماری حمایت کی ہے، میں بی جے پی کارکنان کی سخت محنت کی سراہنا کرتا ہوں، ہم آنے والے وقت میں اور بھی زیادہ جوش کے ساتھ کرناٹک کی خدمت کریں گے ۔



ادھر کرناٹک کے وزیراعلی بسوراج بومئی نے کہا ہے کہ اسمبلی انتخابات کی اس ہار کی ذمہ داری لیتا ہوں، اس کی کئی وجوہات ہیں، ہم سبھی وجوہات کا پتہ لگائیں گے اور پارلیمانی انتخابات کیلئے ایک مرتبہ پھر پارٹی کو مضبوط کریں گے ۔ کرناٹک کے عوام کا جو فیصلہ ہے، وہ ہم قبول کریں گے اور اس پر ہم غور و خوض کریں گے ۔

کرناٹک اسمبلی انتخاات 2023 کی کاونٹنگ سے نئی اسمبلی کی تصویر واضح ہوگئی ہے ۔ صاف طور پر کانگریس واضح اکثریت کے ساتھ اقتدار میں واپسی کررہی ہے ۔ کانگریس 136 سیٹوں پر جیت حاصل کرتی نظر آرہی ہے اور حکومت بنانے جارہی ہے جبکہ بی جے پی کے کھاتے میں 65 سیٹیں جاتی نظر آرہی ہیں ۔

یہ بھی پڑھئے: 'اس ہار کی ذمہ داری لیتا ہوں......' کرناٹک انتخابات کے نتائج کے بعد وزیراعلی بومئی نے کہا

یہ بھی پڑھئے: کرناٹک میں نفرت کا بازار بند، محبت کی دکانیں کھلیں، کانگریس کی جیت پر راہل گاندھی

واضح ہے کہ کرناٹک میں ووٹرس نے پچھلے 35 سالوں کی روایت کو قائم رکھا ہے، جس کے تحت وہ ہر مرتبہ سرکار بدل دیتے ہیں ۔ کانگریس اور بی جے پی دونوں کیلئے کرناٹک انتخابات کافی اہم مانے جارہے تھے ۔