ہندو لفظ کا معنی 'بھیانک'، کانگریس لیڈر نے دیا متنازع بیان، بی جے پی ہوئی حملہ آور

بنگلورو : کرناٹک ریاستی کانگریس کمیٹی ( کے پی سی سی ) کے سربراہ ستیش لکشمن راو جارکی ہولی کے ایک غلط تبصرہ سے ہنگامہ مچ گیا ہے ۔ انہوں نے اتوار کو بیلگاوی ضلع میں ایک پروگرام کے دوران کہا کہ 'ہندو' لفظ ہندوستان سے نہیں بلکہ فارس سے آیا ، اس کا معنی 'بھیانک' ہے۔ اس لفظ کا ہندوستان سے کیا تعلق؟ ان کے اس بیان والا ویڈیو سوشل میڈیا پر وائرل ہوگیا ہے ۔ حالانکہ کانگریس پارٹی نے اس تبصرہ کیلئے اپنے ہی لیڈر کی تنقید کرتے ہوئے اس کو بدقسمتی کہا ہے ۔ کانگریس کے لیڈر رندیپ سرجیوالا نے کہا کہ ہم واضح طور پر اس بیان کی مذمت کرتے ہیں ۔

بیلگاوی ضلع میں ایک پروگرام کے دوران کے پی سی سی کے چیف ستیش نے کہا کہ 'ہندو' لفظ کہاں سے آیا ہے ؟ یہ فارس سے آیا ہے ۔۔۔۔ تو ، ہندوستان کے ساتھ اس کا کیا تعلق ہے؟ آپ کا 'ہندو' کیسا ہے؟ وہاٹس ایپ ، وکی پیڈیا پر چیک کریں ، یہ آپ کا ٹرم نہیں ہے۔ آپ اس کو ایک بنیاد پر کیوں رکھنا چاہتے ہیں ؟ اس کا معنی 'بھیانک' ہے ۔ اس بیان کے بعد سے ریاست اور ریاست کے باہر تنازع ہورہا ہے ۔ ہندو تنظیموں اور بھارتیہ جنتا پارٹی نے ایک سر میں اس بیان کی مذمت کی اور اس کو لے کر کانگریس پر نشانہ سادھا ہے ۔

ادھر کانگریس لیڈر رندیپ سرجیوالا نے پارٹی کی جانب سے ستیش جارکی ہولی کے تبصرہ کی مذمت کی ہے ۔ انہوں نے ٹویٹ کرکے کہا کہ یہ بیان بدقسمتی ہے اور خارج کئے جانے کے قابل ہے ۔ ہم واضح طور پر اس کی مذمت کرتے ہیں ۔ انہوں نے ہندو مذہب کا دفاع کرتے ہوئے کہا کہ یہ زندگی کا ایک طریقہ ہے اور ایک تہذیبی حقیقت ہے ۔ انہوں نے کہا کہ کانگریس نے ہر مذہب، عقیدہ اور آستھا کا احترام کرنے کیلئے ہندوستان کی تعمیر کی ہے ۔

ستیش جارکی ہولی کے بیان والے ویڈیو کو سوشل میڈیا پر بڑے پیمانے پر شیئر کیا گیا تھا ۔ اس کی لوگوں کے ساتھ ساتھ بی جے پی نے بھی مخالفت کی ۔ بی جے پی لیڈر شہزاد پونے والا نے جارکی ہولی کے ذریعہ تبصرہ کی ٹویٹر پر تنقید کی اور کہا کہ یہ ویڈیو ہندووں کو بھڑکاتا ہے اور ان کی توہین کرتا ہے ۔