ٹک ٹاک پرلگائی جائے پابندی، مدراس ہائی کورٹ کی مدورائی بنچ نے مرکزکو دی ہدایت

ٹک ٹاک پرغیر اخلاقی اورغیرمہذب ویڈیوزپیش کرنے کاالزام

Apr 04, 2019 10:38 AM IST | Updated on: Apr 04, 2019 10:38 AM IST
ٹک ٹاک پرلگائی جائے پابندی، مدراس ہائی کورٹ کی مدورائی بنچ نے مرکزکو دی ہدایت

مدراس ہائی کورٹ کی مدورائی بنچ نے سوشل میڈیاسائٹ ٹک ٹاک پرپابندی عائد کرنے کی مرکزی حکومت کو ہدایت دی ہے۔ مدراس ہائی کورٹ کی ڈیویژن بنچ نے ایک معاملہ کی سماعت کے دوران یہ ہدایت دی ۔جسٹس سندرنے کہا کہ ٹک ٹاک پرغیراخلاقی اورغیرمہذب ویڈیوزپیش کئے جارہے ہیں۔ کورٹ نے بتایا کہ انڈونیشیااوربنگلہ دیش جیسے ممالک میں ٹک ٹاک پرپہلے سے ہی پابندی ہے۔اوروہیں امریکہ نے چلڈرن آن لائن پرائیویسی ایکٹ منظورکرلیاہے۔

اس لیے ہندوستان کواس سلسلہ میں ضروری اقدامات کرنے چاہیے۔ عدالت مرکزی حکومت کو ٹک ٹاک کے ڈاؤن لوڈ پرپابندی لگانے کی ہدایت دی ہے۔ کورٹ کامانناہے کہ اس موبائل ایپ کے ذریعہ پوورن گرافی عام ہورہی ہے ۔ اورنوجوان بالخصوص نابالغ بچے غیراخلاقی سرگرمیوں کا شکارہورہے ہیں۔ کورٹ نے اپنی ہدایت میں یہ بھی واضح کیاہے کہ اس ایپ سے ملک کی سلامتی کوبھی خطرہ ہے۔ واضح رہے کہ اس قبل تاملناڈو حکومت نے بھی ٹک ٹاک پرپابندی لگانے کا اشارہ دیاتھا۔

Loading...

واضح رہے کہ چین میں بنایاگیا ٹک ٹاک ایپ ہندوستان میں بھی کافی مقبول ہے۔ اورملک میں 104 ملین صارفین اسکا استعمال کررہے ہیں۔ ٹک ٹاک کی وباءان دنوں نوجوانوں میں پھیل رہی ہے۔ ٹک ٹاک کے ویڈیوزدیکھنے والوں کے ساتھ اس پرویڈیوزاپ لوڈ کرنے کا جنون بھی نوجوان نسل میں بڑھتا جارہا ہے، اسی جنون میں تمل ناڈومیں ایک نوجوان کی جان چلی گئی تھی

 

Loading...