Maharashtra: دیویندر فڑنویس سرکار میں ہوں گے شامل، جے پی نڈا کی اپیل کے بعد کیا فیصلہ

ممبئی : ایکناتھ شندے کی قیادت میں بننے والی سرکار سے الگ رہنے کا اعلان کرنے کے کچھ دیر بعد بی جے پی لیڈر دیویندر فڑنویس نے سرکار میں شامل ہونے کا فیصلہ کیا ہے ۔ وہ نائب وزیر اعلی کا عہدہ سنبھال سکتے ہیں ۔ یہ فیصلہ انہوں نے بی جے پی صدر جے پی نڈا کی اپیل پر کیا ہے ۔ دیویندر فڑنویس کے سرکار میں شامل ہونے کی جانکاری مرکزی وزیر داخلہ امت شاہ نے ایک ٹویٹ کے ذریعہ دی ہے ۔

 

یہ بھی پڑھئے: ادھوٹھاکرے کی اصل طاقت کا امتحان BMC Elections میں ہوگا

امت شاہ نے ٹویٹ کیا کہ بی جے پی صدر جے پی نڈا جی کے کہنے پر دیویندر فڑنویس جی نے بڑا دل دکھاتے ہوئے مہاراشٹر ریاست اور عوام کے مفاد میں سرکار میں شامل ہونے کا فیصلہ کیا ہے ۔ یہ فیصلہ مہاراشٹر کے تئیں ان کی سچی وفاداری اور خدمت کرنے کے جزبہ کا مظہر ہے ، اس کیلئے میں انہیں تہہ دل سے مبارکباد دیتا ہوں ۔

भाजपा अध्यक्ष श्री @JPNadda जी के कहने पर श्री @Dev_Fadnavis जी ने बड़ा मन दिखाते हुए महाराष्ट्र राज्य और जनता के हित में सरकार में शामिल होने का निर्णय लिया है।

यह निर्णय महाराष्ट्र के प्रति उनकी सच्ची निष्ठा व सेवाभाव का परिचायक है। इसके लिए मैं उन्होंने हृदय से बधाई देता हूँ।

— Amit Shah (@AmitShah) June 30, 2022

وہیں اس سے پہلے بی جے پی کے صدر جے پی نڈا نے دیویندر فڑنویس سے اپیل کی تھی کہ انہیں مہاراشٹر کی بھلائی کیلئے نائب وزیر اعلی کے طور پر عہدہ لینا چاہئے ۔ جے پی نڈا نے کہا تھا کہ دیویندر فڑنویس نے کہا ہے کہ ہمارے اگلے وزیر اعلیٰ ایکناتھ شندے ہوں گے اور وہ بڑے دل کے ساتھ حکومت سے باہر رہ کر ذاتی طور پر حمایت کریں گے۔ ایکناتھ شندے جی کو بی جے پی کی مکمل حمایت حاصل ہوگی۔ یہ ظاہر کرتا ہے کہ ہم عہدے کے لیے نہیں ہیں، ہم نظریہ کے لیے ہیں۔

#WATCH | "...BJP's central leadership has decided that Devendra Fadnavis should become a part of the Govt. So, made a personal request to him and Central leadership has said that Devendra Fadnvais should take charge as Deputy CM of Maharashtra..," BJP national president JP Nadda pic.twitter.com/Gxmt4zurym

— ANI (@ANI) June 30, 2022

یہ بھی پڑھئے: حیدرآبادمیں بی جےپی کی قومی ایگزیکٹومیٹنگ اورڈرون پرپابندی! آخرکیاہےمعاملہ؟

جے پی نڈا نے مزید کہا تھا کہ بی جے پی کی مرکزی ٹیم نے فیصلہ کیا ہے کہ دیویندر فڑنویس کو حکومت میں آکر چارج سنبھالنا چاہئے۔ انہوں نے ذاتی طور پر بھی ان سے درخواست کی ہے۔ مرکز نے ہدایت دی ہے کہ وہ نائب وزیر اعلیٰ کا عہدہ سنبھالیں۔

غور طلب ہے کہ جمعرات کو ہونے والے فلور ٹیسٹ سے پہلے ہی بدھ کو ادھو ٹھاکرے نے وزیر اعلیٰ کے عہدے سے استعفیٰ دے دیا تھا ۔ انہوں نے قانون ساز کونسل کی رکنیت سے بھی مستعفی ہونے کا اعلان کیا تھا ۔