Maharashtra Political Crisis: مہاراشٹر اسمبلی کے تحلیل ہونے پر تعطل برقرار، استعفیٰ دے سکتے ہیں CM ادھو ٹھاکرے

ممبئی: مہاراشٹر میں ادھو ٹھاکرے کی حکومت کو لے کر تعطل برقرار ہے۔ شیو سینا لیڈر سنجے راوت نے ریاست میں موجودہ سیاسی صورتحال کے درمیان مہاراشٹر اسمبلی تحلیل کرنے کے اشارے دیئے ہیں۔ اس درمیان باغی لیڈر ایکناتھ شندے نے دعویٰ کیا ہے کہ ان کے ساتھ 40 اراکین اسمبلی ہیں۔ شیو سینا کے ایک سینئر لیڈر نے دعویٰ کیا ہے کہ پارٹی کے باغی لیڈر ایکناتھ شندے نے پیر کے روز وزیر اعلیٰ ادھو ٹھاکرے سے گزارش کی کہ وہ بی جے پی کے ساتھ پھر سے اتحاد کرلیں۔

اس درمیان گجرات کے سورت میں ایک ہوٹل میں رکھے گئے اراکین اسمبلی کو ایک اسپیشل فلائٹ سے آسام بھیج دیا گیا ہے۔ واضح رہے کہ آسام میں بی جے پی کی حکومت ہے۔ اس سے پہلے شیو سینا کے وزیر ایکناتھ شندے نے پارٹی سے بغاوت کرنے کے بعد کچھ اراکین اسمبلی کو بی جے پی کے اقتدار والی ریاست گجرات میں رکھا گیا تھا۔

استعفیٰ دے سکتے ہیں وزیر اعلیٰ ادھو ٹھاکرے

مہاراشٹر میں تیزی سے بدلتی ہوئی صوتحال کے درمیان خبر آرہی ہے کہ آج شام 5 بجے کے بعد وزیر اعلیٰ ادھو ٹھاکرے استعفیٰ دے سکتے ہیں۔ اس سے پہلے شیو سینا کے لیڈر سنجے راوت نے اشارے دیئے تھے کہ اسمبلی تحلیل کی جاسکتی ہے۔ واضح رہے کہ ادھو ٹھاکرے کورونا سے بھی متاثر ہوگئے ہیں۔

کانگریس کے دعویٰ- سبھی 44 ایم ایل اے ہمارے ساتھ

مہاراشٹر کے کانگریس صدر بالا صاحب تھوراٹ نے کہا کہ ہمارے جو 44 اراکین اسمبلی ہیں، وہ سبھی ہمارے ساتھ ہیں۔ کچھ جگہ غلط خبریں آرہی ہیں، میں گزارش کرتا ہوں کہ ایسی غلط خبریں نہ پھیلائیں‘۔

Congress Legislative Party meeting has begun. Cabinet ministers are going for a meeting. All our 44 MLAs are with us: Minister and party leader Balasaheb Thorat#MaharashtraPoliticalCrisis pic.twitter.com/9MqTyYWIIX

— ANI (@ANI) June 22, 2022

تحلیل کی جاسکتی ہے مہاراشٹر اسمبلی: سنجے راوت

شیو سینا لیڈر سنجے راوت نے ریاست میں موجودہ سیاسی صورتحال کے درمیان مہاراشٹر اسمبلی تحلیل کرنےکے اشارے دیئے ہیں۔ انہوں نے ٹوئٹ کرتے ہوئے لکھا، ’مہاراشٹر میں جاری سیاسی بحران اسمبلی تحلیل کرنے کی طرف بڑھ رہا ہے‘۔

महाराष्ट्रातील राजकीय घडामोडींचा प्रवास विधान सभा बरखास्तीचया दिशेने..

— Sanjay Raut (@rautsanjay61) June 22, 2022

 

میٹنگوں کا دور جاری

مہاراشٹر میں جاری سیاسی بحران کے درمیان این سی پی سربراہ شرد پوار ممبئی کے وائی بی چوہان کیندر پہنچے۔ ریاست کے وزیر داخلہ دلیپ ولسے پاٹل، وزیر جینت پاٹل اور بالا صاحب پاٹل نے آج صبح ان سے ان کی رہائش گاہ پر ملاقات کی تھی۔

 

#WATCH | NCP chief Sharad Pawar reaches YB Chavan centre in Mumbai amid the ongoing political crisis in #Maharashtra

State's HM Dilip Walse Patil and ministers Jayant Patil & Balasaheb Patil met him at his residence earlier this morning. pic.twitter.com/gksypgOxoz

— ANI (@ANI) June 22, 2022

کیا دل بدل قانون سے بچ جائیں گے اراکین اسمبلی؟

دل بدل قانون کے مطابق، اگر کسی پارٹی کے کل اراکین اسمبلی میں سے دو تہائی سے کم اراکین اسمبلی ’انضمام‘ کرتے ہیں تو انہیں نااہل قرار دیا جاسکتا ہے۔ شیو سینا کے پاس اس وقت اسمبلی میں 55 اراکین اسمبلی ہیں۔ ایسے میں دل بدل قانون سے بچنے کے لئے باغی گروپ کو کم از کم 37 اراکین اسمبلی کی ضرورت ہوگی۔ جبکہ ایکناتھ شندے اپنے ساتھ 40 اراکین اسمبلی کے ہونے کا دعویٰ کر رہے ہیں۔