بریکنگ نیوز: کورونا وائرس سے متاثر مرکزی وزیر مملکت سریش انگاڈی کا انتقال

نئی دہلی: مرکزی وزیر مملکت برائے ریلوے سریش انگاڈی (Suresh Angadi) کا بدھ کے روز انتقال ہوگیا۔ وہ کورونا وائرس سے متاثر تھے۔ سریش انگاڈی کے انتقال پر وزیر اعظم نریندر مودی، صدر جمہوریہ رام ناتھ کووند نے گہرے غم کا اظہار کرتے ہوئے ٹوئٹ کیا ہے۔ اس کے علاوہ وزیر دفاع راجناتھ سنگھ، مرکزی وزیر داخلہ امت شاہ، مرکزی وزیر ریل پیوش گوئل، راجیہ سبھا رکن پارلیمنٹ جیوترادتیہ سندھیا اور راجستھان کے وزیراعلیٰ اشوک گہلوت، راجستھان کے سابق نائب وزیراعلیٰ اور کانگریس لیڈر سچن پائلٹ نے ٹوئٹ کرکے مرکزی وزیر سریش انگاڈی کے لئے تعزیت کا اظہار کیا ہے۔ واضح رہے کہ مرکزی وزیر مملکت برائے ریلوے سریش انگاڈی کو کورنا سے متاثر ہونے کے بعد دہلی کے آل انڈیا انسٹی ٹیوٹ آف میڈیکل سائنسز (ایمس) میں داخل کیا گیا تھا، جہاں آج رات تقریباً 8 بجے ان کا انتقال ہوگیا۔ ان کی عمر 65 برس تھی۔ پسماندگان میں بیوی اور دو بیٹیاں ہیں۔ 11 ستمبر کو کورونا وائرس کی تصدیق کے بعد انہیں ایمس میں داخل کرایا گیا تھا۔ ذرائع نے بتایا کہ رات تقریباً آٹھ بجے انہوں نے آخری سانس لی۔

وزیر اعظم نریندر مودی نے اپنی کابینی رفیق سریش انگاڈی کی موت پر تعزیت کا اظہار کرتے ہوئے کہا ’سریش انگاڈی بہترین کارکن تھے، جنہوں نے کرناٹک میں پارٹی کو مضبوط کرنے کا کام کیا’۔ وزیر اعظم مودی نے مزید لکھا، ’وہ وقف رکن پارلیمنٹ اور موثر وزیر تھے، جن کی ہرکوئی تعریف کرتا تھا۔ ان کا جانا انتہائی مایوس کن ہے۔ اس دکھ کی گھڑی میں میری تعزیت اور ہمدردی ان کی فیملی اوردوستوں کے ساتھ ہیں۔ اوم شانتی’۔

Shri Suresh Angadi was an exceptional Karyakarta, who worked hard to make the Party strong in Karnataka. He was a dedicated MP and effective Minister, admired across the spectrum. His demise is saddening. My thoughts are with his family and friends in this sad hour. Om Shanti. pic.twitter.com/2QDHQe0Pmj

— Narendra Modi (@narendramodi) September 23, 2020

 

مرکزی وزیر پیوش گوئل نے کیا تعزیت کا اظہار

وہیں مرکزی وزیر برائے ریلوے پیوش گوئل نے ٹوئٹ کیا کہ ’سریش انگاڈی جی کے انتقال سے بہت گہرا دکھ ہوا۔ وہ میرے بھائی کی طرح تھے۔ کام کے تئیں ان کے عزم اور لگن کو بتانے کے لئے الفاظ کم پڑجائیں گے۔ اس دکھ کی گھڑی میں ان کی فیملی اور دوستوں کے ساتھ میری تعزیت اور ہمدردی ہے۔ اوم شانتی’۔

Deeply anguished at the unfortunate demise of Suresh Angadi ji.

He was like my brother. Words fall short to describe his commitment & dedication towards the people.

My thoughts and prayers are with his family and friends in this hour of need. Om Shanti pic.twitter.com/Y7SB2PMktU

— Piyush Goyal (@PiyushGoyal) September 23, 2020

یہ لیڈر بھی ہوچکے ہیں کورونا وائرس سے متاثر

اس سے قبل مرکزی وزیر پرہلاد پٹیل کے کورونا وائرس سے متاثر ہونے کی تصدیق ہوئی ہے۔ مدھیہ پردیش کے دموہی لوک سبھا سیٹ سے بی جے پی رکن پارلیمنٹ پرہلاد پٹیل نے ٹوئٹ کیا ’کل رات میں میری کورونا رپورٹ پازیٹیو آئی ہے، جو لوگ مجھے منگل کو ملے تھے، انہیں احتیاط برتنی چاہئے’۔ پرہلاد پٹیل کے علاوہ کابینی وزیر امت شاہ، نتن گڈکری، دھرمیندر پردھان، کیلاش چودھری، ارجن رام میگھوال اور گجیندر شیخاوت بھی کورونا وائرس سے متاثر ہوچکے ہیں۔ ان کے علاوہ کرناٹک کے وزیر اعلیٰ بی ایس یدی یورپا، مدھیہ پردیش کے وزیر اعلیٰ شیو راج سنگھ چوہان اور تمل ناڈو کے گورنر بنواری لال پروہت اور سابق مرکزی وزیر جیوترادتیہ سندھیا بھی کووڈ-19 کی چپیٹ میں آچکے ہیں۔