ممبئی کے لوگوں کی جان لینے والے فٹ اوور برج کی داستان، ’قصاب برج‘ کے نام سے بلاتے ہیں لوگ

ممبئی کے سی ایس ٹی ریلوے اسٹیشن کے باہر بنا فٹ اوور برج منہدم ہو گیا۔ اس حادثہ میں 2 خواتین سمیت 5 لوگوں کی موت ہو گئی تاہم 36 لوگ زخمی ہو گئے ہیں۔ اس حادثہ کے بعد ممبئی حملہ میں پکڑے گئے پاکستانی دہشت گرد اجمل قصاب کا نام پھر تازہ ہو گیا ہے۔
دراصل جو فٹ اوور برج سی ایس ٹی کے باہر منہدم ہوا ہے وہ ممبئی میں قصاب برج کے نام سے مشہور تھا۔ سال 2008 میں ممبئی میں ہوئے دہشت گردانہ حملہ کے بعد پکڑ ا گیا دہشت گرد اجمل قصاب سی ایس ٹی ریلوے اسٹیشن کے باہر موجود پل سے ہی گزر رہا تھا۔


یہ پل  بی ایم سی کے دفتر سے 500 میٹر کی دوری پر بنا ہوا ہے۔ شام کے وقت اس علاقہ میں کافی بھیڑ رہتی ہے۔ ممبئی میں فٹ اوور برج  گرنے کا یہ پہلا معاملہ نہیں ہے۔ 29 ستمبر 2017 کو ممبئی کے پریل علاقہ میں الفیسٹن ریلوے اسٹیشن کا فٹ اووربرج منہدم ہو گیا تھا، جس میں 23 لوگوں کی موت ہو گئی تھی۔