உங்கள் மாவட்டத்தைத் தேர்வுசெய்க

    National Herald Case: ای ڈی نے راہل گاندھی کو پوچھ گچھ کیلئے کل پھر بلایا، جانئے پورا معاملہ

    National Herald Case: ای ڈی نے راہل گاندھی کو پوچھ گچھ کیلئے کل پھر بلایا، جانئے پورا معاملہ

    National Herald Case: ای ڈی نے راہل گاندھی کو پوچھ گچھ کیلئے کل پھر بلایا، جانئے پورا معاملہ

    National Herald Case : دو دنوں کی مسلسل پوچھ گچھ کے بعد انفورسمنٹ ڈائریکٹوریٹ نے کل کانگریس لیڈر راہل گاندھی کو پوچھ گچھ کے لیے پھر بلایا ہے۔

    • Share this:
      نئی دہلی : دو دنوں کی مسلسل پوچھ گچھ کے بعد انفورسمنٹ ڈائریکٹوریٹ نے کل کانگریس لیڈر راہل گاندھی کو پوچھ گچھ کے لیے پھر بلایا ہے۔ آج ای ڈی نے ان سے 5 گھنٹے سے زیادہ پوچھ گچھ کی ۔ کانگریس لیڈر راہل گاندھی سے پیر کو بھی ای ڈی نے تقریباً 10 گھنٹے تک پوچھ گچھ کی تھی ۔ راہل گاندھی نیشنل ہیرالڈ کیس میں ملزم ہیں۔ ای ڈی کے مطابق نیشنل ہیرالڈ کیس میں مبینہ منی لانڈرنگ میں راہل گاندھی کا رول ہے۔ آج صبح راہل گاندھی اپنی بہن اور کانگریس لیڈر پرینکا گاندھی کے ساتھ ای ڈی کے دفتر پہنچے تھے ۔

       

      یہ بھی پڑھئے: شردپوار سے ملیں ممتا بنرجی، اپوزیشن کی طرف سے صدر جمہوریہ امیدوار بننے سے NCP چیف کا انکار


      اس سے پہلے کل یعنی پیر کو راہل گاندھی منی لانڈرنگ کے اس معاملہ میں پہلی مرتبہ ای ڈی کے سامنے پیش ہوئے تھے۔ ان سے کل رات تقریبا گیارہ بجے تک پوچھ گچھ کی گئی تھی ۔ راہل گاندھی کی ای ڈی کے سامنے پیشی کے پیش نظر راجدھانی میں سیکورٹی سخت کر دی گئی ہے ، کیونکہ راہل گاندھی کی حمایت میں کانگریس لیڈر اور کارکنان احتجاج کر رہے ہیں ۔


      ذرائع نے بتایا کہ انفورسمنٹ ڈائریکٹوریٹ نے راہل گاندھی سے ینگ انڈین پرائیویٹ لمیٹیڈ میں گاندھی فیملی کے مالکانہ اور ایسوسی ایٹیڈ جرنلس لمیٹیڈ میں شیئر ہولڈنگ پیٹرن سے متعلق سوال وجواب کئے۔ جانچ ایجنسی سے وابستہ ذرائع نے بتایا کہ راہل گاندھی سے تفصیل سے اس بارے میں بھی پوچھا گیا کہ کن حالات میں سال 2010 میں ینگ انڈیا لمیٹیڈ نے ایسوسی ایٹیڈ جرنلس لمیٹیڈ کو ایکوائر کیا۔

       

      یہ بھی پڑھئے: دہلی میں کورونا نے پھر پکڑی رفتار، 1100 سے زیادہ معاملات آئے سامنے، دو کی موت


      واضح رہے کہ نیشنل ہیرالڈ پیپر کو ہندوستان کے پہلے وزیر اعظم پنڈت جواہر لال نہرو نے شروع کیا تھا اور اس کی اشاعت ایسوسی ایٹیڈ جرنل لمیٹیڈ نے کی تھی۔ سال 2010 میں اے جی ایل کو مالی پریشانیوں کا سامنا کرنا پڑا اور ینگ انڈین لمیٹیڈ نے اس کو ایکوائر کرلیا، جس کے مالک سمن دوبے اور سیم پترودا تھے، جو کہ گاندھی فیملی کے بے حد قریبی ہیں۔

      قابل ذکر ہے کہ پیر کے روز راہل گاندھی کی پیشی کے دوران کانگریس لیڈران اور کارکنان نے دہلی سمیت ملک کے کئی شہروں میں ’ستیہ گرہ‘ کیا اور مارچ نکالا۔ راہل گاندھی جب پیر کی صبح ای ڈی آفس جا رہے تھے، تب ان کے ساتھ پرینکا گاندھی، راجستھان کے وزیر اعلیٰ اشوک گہلوت، چھتیس گڑھ کے وزیر اعلیٰ بھوپیش بگھیل سمیت کانگریس کے تمام بڑے لیڈران اور کارکنان موجود تھے۔
      Published by:Imtiyaz Saqibe
      First published: