اپنا ضلع منتخب کریں۔

    نیشنل ہیرالڈ کیس: ED نے سونیا گاندھی کو پوچھ گچھ کیلئے کل پھر پیش ہونے کیلئے کہا

    نیشنل ہیرالڈ کیس: ED نے سونیا گاندھی کو پوچھ گچھ کیلئے کل پھر پیش ہونے کیلئے کہا ۔ فائل فوٹو ۔

    نیشنل ہیرالڈ کیس: ED نے سونیا گاندھی کو پوچھ گچھ کیلئے کل پھر پیش ہونے کیلئے کہا ۔ فائل فوٹو ۔

    Sonia Gandhi News: کانگریس کی عبوری صدر سونیا گاندھی کو اخبار 'نیشنل ہیرالڈ' سے وابستہ مبینہ منی لانڈرنگ کیس میں بدھ کو تیسری مرتبہ انفورسمنٹ ڈائریکٹوریٹ (ای ڈی) کے سامنے پیش ہونے کیلئے کہا گیا ہے۔

    • News18 Urdu
    • Last Updated :
    • Delhi | New Delhi | New Delhi
    • Share this:
      نئی دہلی : کانگریس کی عبوری صدر سونیا گاندھی کو اخبار 'نیشنل ہیرالڈ' سے وابستہ مبینہ منی لانڈرنگ کیس میں بدھ کو تیسری مرتبہ انفورسمنٹ ڈائریکٹوریٹ (ای ڈی) کے سامنے پیش ہونے کیلئے کہا گیا ہے۔ خبر رساں ایجنسی اے این آئی نے ذرائع کے حوالے سے یہ اطلاع دی ہے ۔ اس سے پہلے کانگریس صدر نے منگل کو دوسری مرتبہ ای ڈی کے سامنے اپنا بیان ریکارڈ کرایا۔ یہ پوچھ گچھ تقریباً 6 گھنٹوں تک جاری رہی ۔

      تقریباً ڈھائی گھنٹے تک جاری رہنے والی پوچھ گچھ کے بعد سونیا گاندھی لنچ کے لئے ای ڈی کے دفتر سے باہر آئیں اور پھر دوبارہ دفتر پہنچیں ۔ سونیا گاندھی زیڈ پلس سیکورٹی کے گھیرے میں اپنے بیٹے راہل گاندھی اور بیٹی پرینکا گاندھی واڈرا کے ساتھ سینٹرل دہلی کے اے پی جے عبدالکلام روڈ پر ودیوت لین میں واقع وفاقی ایجنسی کے دفتر میں صبح تقریباً 11 بجے پہنچی تھیں ۔

       

      یہ بھی پڑھئے: ای ڈی نے منی لانڈرنگ کے کیس میں فاروق عبداللہ کے خلاف داخل کی چارج شیٹ


      جہاں پرینکا ای ڈی کے دفتر میں رکی رہیں تو وہیں راہل گاندھی فوراً نکل گئے۔ راہل نے راشٹرپتی بھون کے قریب وجے چوک پر احتجاج کی قیادت کی، جس کے بعد پولیس نے انہیں حراست میں لے لیا۔ افسران نے بتایا کہ سونیا گاندھی تقریباً 2 بجے ای ڈی کے دفتر سے باہر نکلی تھیں اور تقریباً ساڑھے تین بجے دوبارہ واپس پہنچیں۔

       

      یہ بھی پڑھئے: کشمیری شخص نے 500 میٹر طویل کاغذ پر قرآن کریم لکھ کر بنایا ورلڈ ریکارڈ


      افسران نے بتایا کہ پرینکا گاندھی ای ڈی کے دفتر کے دوسرے کمرے میں رکی رہیں تاکہ وہ اپنی ماں سے مل سکیں اور ضرورت پڑنے پر انہیں ادویات یا طبی امداد فراہم کرسکیں۔ ایسا سمجھا جاتا ہے کہ سونیا گاندھی سے پوچھ گچھ صبح تقریباً 11.15 بجے سمن کی تصدیق سمیت ابتدائی رسمی کارروائیوں کو مکمل کرنے کے بعد شروع کی گئی ۔

      خیال رہے کہ سونیا گاندھی (75) سے پہلی مرتبہ 21 جولائی کو اس معاملہ میں دو گھنٹے سے زیادہ وقت تک پوچھ گچھ کی گئی تھی۔ رائے بریلی سے لوک سبھا رکن سونیا گاندھی نے اس وقت ایجنسی کے 28 سوالات کے جوابات دئے تھے ۔ ایجنسی نے اس وقت اخبار 'نیشنل ہیرالڈ' اور معاملہ میں جانچ کے دائرے میں آنے والی کمپنی 'ینگ انڈین پرائیویٹ لمیٹڈ' کے ساتھ ان کے تعلق کے بارے میں پوچھ گچھ کی تھی ۔
      Published by:Imtiyaz Saqibe
      First published: