Russia and Ukraine War:بات چیت او رسفارتکاری سے ختم ہوں گے اختلافات، ہم نے یوکرین کو بھیجی انسانی امداد-UNHRC میں ہندوستان

روس اور یوکرین کے درمیان جنگ جاری ہے۔ اس درمیان، اقوام متحدہ کی انسانی حقوق کونسل (UNHRC) میں آج ایک ہنگامی اجلاس طلب کیا گیا۔ اقوام متحدہ کی انسانی حقوق کونسل کے 49ویں اجلاس میں ہندوستان نے کہا کہ ہم پہلے ہی یوکرین کو انسانی امداد بھیج چکے ہیں جس میں ادویات، طبی آلات اور دیگر امدادی سامان شامل ہے۔ ہم آنے والے دنوں میں مزید امداد بھیج رہے ہیں۔ ہندوستان نے کہا کہ یہ ایک فوری ضرورت ہے، جسے کیا جانا چاہئے۔ ہندوستان نے کہا کہ ہمیں یوکرین میں پھنسے ہزاروں ہندوستانیوں کی حفاظت کے بارے میں گہری تشویش ہے۔ ہم پڑوسی ریاستوں کے ساتھ ان کے انخلاء کے لیے کام کر رہے ہیں۔ ساتھ ہی، ہم یوکرین میں لوگوں کے انسانی حقوق کے احترام اور تحفظ کا مطالبہ کرتے ہیں۔

یہ بھی پڑھیں:
Operation Ganga: آج 19 اڑانوں کے ذریعہ 3726 ہندوستانی لوٹیں گے ملک

ہندوستان نے اقوام متحدہ کی انسانی حقوق کونسل میں کہا کہ ہم روس اور یوکرین کے درمیان جاری جنگ کا خاتمہ چاہتے ہیں۔ اختلافات اور تنازعات کے حل کا واحد حل مذاکرات اور سفارت کاری ہے۔ آپ کو بتاتے چلیں کہ اجلاس آج جمعہ کو قرارداد پر ووٹنگ کے ساتھ ختم ہوگا، جس میں یوکرین پر روسی حملے کی تحقیقات کے لیے تین رکنی ماہرین کی ٹیم تشکیل دینے کا مطالبہ کیا گیا ہے۔

یہ بھی پڑھیں:
بڑی خبر: Kharkiv سے ہندستانیوں کو محفوظ نکالنے کیلئے 6گھنٹے تک جنگ روکنے کو تیار ہوا روس

روس اور یوکرین بھی UNHRC کے رکن
انسانی حقوق کے 47 رکنی ادارے میں ووٹنگ یوکرین پر روسی حملے پر عالمی برادری کے موقف کو واضح کرے گی۔ روس اور یوکرین بھی اس ادارے کے رکن ہیں۔ حکام کے مطابق تحقیقاتی ٹیم ایسے شواہد اکٹھے کرنے اور ان کا تجزیہ کرنے کی کوشش کرے گی جنہیں بین الاقوامی فوجداری عدالت (ICC) سمیت دیگر عدالتیں استعمال کر سکتی ہیں۔ یوکرین پر روس کے حملے کے بعد بین الاقوامی فوجداری عدالت (ICC) نے اعلان کیا ہے کہ وہ یوکرین پر حملے کے بعد روس کے ممکنہ جنگی جرائم کی تحقیقات کرے گی۔ آئی سی سی کے چیف پراسیکیوٹر کریم خان نے کہا ہے کہ یوکرین میں مبینہ جنگ ایک جرم اور انسانیت کے خلاف ہے۔