نیوز18 اردو کی خبرکا اثر: جدہ قونصلیٹ نے شیخ نعیم الدین کی کروائی تدفین۔ اہل خانہ کوبھی کرایا گیا آخری دیدار
مرحوم شیخ نعیم الدین کی فائل فوٹو
جدہ میں واقع ہندوستانی قونصلیٹ نے نیوز18 اردو کے ٹویٹ کے بعد اس معاملہ پرسجنیدگی کا مظاہرہ کرتے ہوئے گزشتہ رات نمازعشاء کے بعد شیخ نعیم الدین کی تدفین کروائی گئی
- News18 Urdu
- Last Updated :
سعودی عرب کے شہر جیزان میں دل کا دورہ پڑنے سے انتقال کرجانے والے حیدرآباد کے شیخ نعیم الدین کے افراد خاندان ان کی تجہیز و تکفین کو لیے کر کافی پریشان تھے۔ایک مہینہ سے زائد کی مدت گزر جانے کے باوجود مرحوم کے جسد خاکی کو نہ ہندستان بھیجنے اور نہ سعودی عرب میں ہی تکفین وتدفین کے انتظامات کیے گئے تھے اورشیخ نعیم الدین کی ڈیڈ باڈی کواسپتال کے مرده خانے میں رکھا گیاتھا۔
منگل کی رات نیوز18 اردو نے اس خبرکونشرکیاہے۔ نیوز18 اردو نے سوشل نیٹ ورکنگ سائٹ ٹویٹرپراس خبرکا ویڈیو پوسٹ کیا۔ نیوز 18 اردو کی جانب سے ٹویٹ کئے گئے ویڈیو پرریاض اور جدہ میں واقع ہندوستان کے سفارت خانوں نے رد عمل کا اظہار کیا ہے۔ جدہ قونصلیٹ نے کہا ہے کہ ایک ماہ قبل وفات پانے والے شیخ نعیم الدین کی تدفین کیلئے27 جون کوہی ہندوستان سے تعلق رکھنے والے ایک شہری کو پاورآف اٹارنی جاری کیا گیا تھا لیکن تدفین کیوں نہیں ہو پائی ان وجوہات کا پتہ لگایا جائے گا۔
A man from Hyderabad has died in Saudi city of Jizan last month due to heart attack. Still neither his body was sent back to home nor last rites were done there. The troubled family is still helpless. @DrSJaishankar @MEAIndia @IndianEmbRiyadh @drausaf @KTRTRS pic.twitter.com/LEPdwnnxhv
— News18 اردو (@News18Urdu) July 23, 2019
بعد میں جدہ قونصلیٹ خانے نے نہ صرف شیخ نعیم الدین کی تدفین میں تاخیرکے متعلق معلومات اکھٹا کیں بلکہ سعودی عرب پولیس کےتعاؤن سے شیخ نعیم الدین کی تدفین کروانے کے لیے اقدامات کیے اور گزشتہ رات نمازعشاء کے بعد جدہ کے قریب شیخ نعیم الدین کی تدفین کردی گئی ہے۔ سیدنعیم الدین کے اہل خانہ نے نیوز18 اردو کی کاوشوں کو سراہتے ہوئے پوری ٹیم کا شکریہ ادا کیاہے۔
اس سے پہلے مرحوم شیخ نعیم الدین کی بیوہ ثمینہ بیگم نے ایک خط لکھ کرسعودی حکام سے گزارش کی کہ ان کے شوہرکی وہیں تدفین کا انتظام کیا جائے۔ اس سلسلہ میں انہوں نے ضابطہ کے مطابق ایک ہندوستانی شہری حسن عبداللہ کو پاور آف اٹارنی بھی دیاتھا۔ لیکن اس کے باوجود انہیں معلوم ہواتھا کہ شیخ نعیم کی ڈیڈ باڈی اسپتال کے مردہ خانے میں ہی پڑی ہے۔ جس کے بعد نیوز18 اردو نے خبرنشرکی اوراس خبر کا ویڈیو ٹویٹرپرپوسٹ کیا۔ جس کے بعد حرکت میں آتے ہوئے جدہ قونصلیٹ کی جانب سے شیخ نعیم الدین کی تدفین کے لیے اتنظامات کیے گئے ۔
Our consulate @cgijeddah will provide all possible help for earliest despatch of mortal remains.
— India in SaudiArabia (@IndianEmbRiyadh) July 23, 2019
We have already issued NOC 2 the Attorney 4 local burial of Mortal Remains of Shri Naeem Uddin on 27 June, 2019.
— India in Jeddah (@CGIJeddah) July 23, 2019
The Attorney has not conveyed any reason to Consulate for non burial. It is assured that Consulate will provide all possible help for last rites of late Shri Naeem.
واضح رہے کہ حیدرآباد کے علاقہ یوسف گوڑا سے تعلق رکھنے والے 37سالہ ٹیکنیشن شیخ نعیم الدین کا 18جون کو سعودی عرب کے شہر جیزان کی ایک مسجد میں انتقال ہو گیاتھا۔شیخ نعیم الدین کی تدفین ہونے کے بعد انکے اہل خانہ نے راحت کی سانس لی ہے۔ شیخ نعیم الدین کے بڑے بھائی نے نیوز18 اردو کا شکریہ ادا کرتے ہوئے کہا کہ نیوز18 اردو کی ٹیم کی کوششوں کی وجہ سے انکے غم کسی حدتک کم ہوئے ہیں۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔