Nirmala Sitharaman Interview: کیا پھر سے لاگو ہوگی پرانی پنشن اسکیم؟ جانئے مرکزی وزیر خزانہ نرملا سیتارمن نے کیا کہا

نئی دہلی : خاص طور پر انتخابی موسم کے دوران ریاستوں میں پرانی پنشن اسکیم کو واپس لانے کے اپوزیشن کے مطالبے کے درمیان مرکزی وزیر خزانہ نرملا سیتا رمن نے سوال کیا ہے کہ کیا موجودہ نسل کو آنے والی نسلوں کے مالی استحکام کی قیمت پر فائدہ مل رہا ہے ۔ نیٹ ورک 18 کے گروپ ایڈیٹر ان چیف راہل جوشی کے ساتھ ایک خصوصی انٹرویو میں سیتارمن نے کہا کہ یہ نئی پنشن اسکیم کانگریس لے کر آئی تھی ۔

مرکزی وزیر خزانہ نے کہا کہ نئی پنشن اسکیم کی شروعات کانگریس کے دور میں ہوئی تھی۔ کیا ہم پنشروں کی موجودہ نسل کو آنے والی نسلوں پر بوجھ ڈال کر ادائیگی کر رہے ہیں؟ صحیح توازن کیا ہے؟ ہم آنے والی نسلوں کے لئے کیا چھوڑ رہے ہیں؟ ہمیں اگلی دہائی کیلئے ریاست کی مالی حالت کو دیکھنا ہوگا ۔

راجستھان اور چھتیس گڑھ جیسی اپوزیشن پارٹیوں کی حکومت والی ریاستوں میں او پی ایس اسکیم کو واپس لانے کے حوالے سے بڑھتے ہوئے ہنگامے کے بارے میں بات کرتے ہوئے سیتا رمن نے کہا کہ نئی پنشن اسکیم لانے والی صرف این ڈی اے نہیں تھی، بلکہ یو پی اے حکومت بھی تھی۔ نئی پنشن اسکیم کا پورا آئیڈیا کانگریس کے دور میں آیا تھا ۔

ان کا مزید کہنا تھا کہ سوچنے کی ضرورت ہے کہ کیا ہم پنشنرز کی موجودہ نسل کو آنے والی نسلوں پر بوجھ ڈال کر ادائیگی کر رہے ہیں؟ ۔ قابل ذکر ہے کہ کئی ریاستی حکومتوں جیسے راجستھان، چھتیس گڑھ اور پنجاب نے اشارہ دیا ہے کہ وہ پرانی پنشن اسکیم کو اپنائیں گے ، جبکہ ہماچل پردیش نے بھی اپنا یہی ارادہ ظاہر کیا ہے۔

یہ بھی پڑھئے: 'گیم چینچر ثابت ہوگی پی ایم وکاس یوجنا...'بجٹ پر وزیراعظم سے لگاتار بات ہوئی:نرملا سیتارمن

یہ بھی پڑھئے: مقررہ حد کے اندر ہے اڈانی گروپ میں ایس بی آئی اور ایل آئی سی کی سرمایہ کاری: وزیرخزانہ

بتادیں کہ مرکزی وزیر مملکت برائے خزانہ بھاگوت کراڈ نے 12 دسمبر کو پارلیمنٹ کو مطلع کیا تھا کہ مرکزی حکومت پرانی پنشن اسکیم کو بحال کرنے کی کسی تجویز پر غور نہیں کر رہی ہے ۔