پیاز کی قیمت کو لے کر وزیر خزانہ نرملا سیتا رمن نے دی خوشخبری ! کہی یہ بڑی بات

پیاز کی بڑھتی قیمتوں پر اب بریک لگ گیا ہے ۔ وزیر خزانہ نرملا سیتارمن کا کہنا ہے کہ اب کچھ جگہوں پر پیاز کی قیمتیں کم ہونے لگی ہیں ۔ آپ کو بتادیں کہ افغانستان سے پیاز آنے کے بعد ملک میں قیمتیں کم ہونے لگی ہیں ۔ افغانستان سے آنے والے پیاز کی تھوک قیمت 40-55 روپے فی کلو ہے ۔ دیسی پیاز کی قیمت تھوک میں 65-75 روپے فی کلو ہے جب کہ خوردہ قیمت 10 روپے فی کلو سے زیادہ ہے ۔

صارفین کی وزارت کے ذرائع کے مطابق 15 دسمبر کے بعد درآمد کئے گئے پیاز بازار میں دستیاب ہونے لگیں گے ۔ مہاراشٹر اور گجرات سے پیاز کی نئی فصل کے آنے میں تیزی ہوجائے گی ۔ علاوہ ازیں حکومت نے ایم ایم ٹی سی کے ذریعہ 30000 میٹرک ٹن پیاز درآمد کرنے کا جو فیصلہ کیا تھا ، وہ بھی 27 دسمبر سے آنا شروع ہوجائے گا۔

FM: Onions are a fast perishable commodity. Due to rain in some places, flooding in some other, crop extent was less and hence the less output. Due to this it has gone out of certain reasonable level. Govt is taking steps to import & bring onions to the market as soon as possible https://t.co/V8cY9LXQxK

— ANI (@ANI) December 13, 2019

پیاز کی قیمتوں کو لے کر مرکزی وزیر خزانہ نرملا سیتارمن نے کہا کہ کچھ مقامات پر پیاز کی قیمتوں میں کمی آنے لگی ہے ۔ اس میں پوری گراوٹ نہیں آئی ہے ، لیکن یہ کم ضرور ہورہی ہے ۔ وزرا کا ایک گروپ اس معاملہ پر مسلسل گہری نظر رکھ رہا ہے ، جو ہر ایک دو دن میں ریویو کررہا ہے ۔

انہوں نے کہا کہ پیاز بہت جلد خراب ہونے والی چیز ہے ۔ سیلاب اور بارش کی وجہ سے فصلوں کو نقصان پہنچا ہے اور یہی وجہ ہے کہ پیاز کی پیداوار پر بھی اثر پڑا ہے ۔ حکومت پیاز درآمد کررہی ہے ، جس کے بعد بازار میں پیاز کی قیمتیں کم ہونے لگیں گی ۔