نیتا امبانی امریکہ کے سب سے بڑے آرٹ میوزیم کے بورڈ میں شامل، 150 سال کی تاریخ میں پہلی ہندستانی ممبر

نیتا امبانی نے 2007 میں کہا تھا کہ میٹروپولیٹن میوزیم کے ذریعہ ہندوستانی فن کو ایک باوقار اور مشہور ادارے میں نمائش کرنے کا موقع ملا اور ہم فن کے شعبے میں کام جاری رکھنے کے لئے حوصلہ افزا ہوئے۔ نیتا ریلائنس فاؤنڈیشن کے ذریعہ ہندوستانی فن اور ثقافت کی دنیا بھر میں تشہیر کر رہی ہیں۔ وہ ملک میں کھیل اور ترقی کے منصوبوں کو بھی فروغ دے رہی ہیں۔
میٹروپولیٹن میوزیم تقریبا 150 سال پرانا ہے۔ یہاں دنیا بھر کی 5000 سال پرانی فنی ساختیات بھی موجود ہیں۔ ہر سال لاکھوں لوگ میوزیم دیکھنے کے لئے پہنچتے ہیں۔ ان میں کئی ارب پتی اور سلیبریٹی بھی ہوتے ہیں۔ بتا دیں کہ یہ میوزیم دنیا بھر کے ارب پتیوں، سلیبریٹیز اور ہزاروں عام لوگوں کو ہر سال اپنی طرف کھینچتا ہے۔ غیر منافع بخش والے اس ادارے کی سالانہ رپورٹ کے مطابق، اس کا ریوینو سال 2018 میں 385.3 ملین ڈالر رہا تھا۔

ڈسکلیمر: نیوز 18 اردو ریلائنس انڈسٹریزکی کمپنی نیٹ ورک 18 میڈیا اینڈ انویسٹمینٹ لمیٹیڈ کا حصہ ہے۔ نیٹ ورک 18 میڈیا اینڈ انویسٹمینٹ کی ملکیت ریلائنس انڈسٹریزکے پاس ہی ہے ۔