உங்கள் மாவட்டத்தைத் தேர்வுசெய்க

    India-China Standoff: ہندوستان اور چین کے کور کمانڈروں کے درمیان مذاکرات کا 12 واں دور کل ، اٹھائے جائیں گے یہ معاملات!

    India-China Standoff: ہندوستان اور چین کے کور کمانڈروں کے درمیان مذاکرات کا 12 واں دور کل ، اٹھائے جائیں گے یہ معاملات!

    India-China Standoff: ہندوستان اور چین کے کور کمانڈروں کے درمیان مذاکرات کا 12 واں دور کل ، اٹھائے جائیں گے یہ معاملات!

    مشرقی لداخ میں ایک سال سے زیادہ عرصے سے دونوں فریقوں کے مابین فوجی تعطل برقرار ہے۔ اب تک فوجی کمانڈروں کی طرف سے طے شدہ اتفاق رائے کی بنیاد پر فوجوں کو پینگونگ جھیل کے علاقے سے واپس بلا لیا گیا ہے۔

    • UNI
    • Last Updated :
    • Share this:
      نئی دہلی : مشرقی لداخ میں لائن آف کنٹرول پر ہندوستان اور چین کے درمیان فوجی تعطل کو دور کرنے کے لیے دونوں ممالک کی فوجوں کے کور کمانڈروں کے درمیان مذاکرات کا 12 واں دور اتوار کو ہوگا۔ فوج کے ذرائع کے مطابق لیفٹیننٹ جنرل کے عہدے کے افسران کا یہ اجلاس صبح 10.30 بجے لائن آف کنٹرول پر چینی سرحد کے مالدو علاقے میں ہوگا۔

      خیال رہے کہ دونوں فریقوں کے درمیان اب تک مذاکرات کے 11 دور ہوچکے ہیں اور کمانڈوز کے درمیان مذاکرات کا آخری دور 09 اپریل کو ہوا تھا۔ ذرائع کے مطابق دونوں فریق بات چیت کے دوران بنیادی طور پر ہاٹ اسپرنگ اور گوگرا ہائٹس کے علاقے سے فوجیوں کے انخلا پر تبادلہ خیال کریں گے۔

      مشرقی لداخ میں ایک سال سے زیادہ عرصے سے دونوں فریقوں کے مابین فوجی تعطل برقرار ہے۔ اب تک فوجی کمانڈروں کی طرف سے طے شدہ اتفاق رائے کی بنیاد پر فوجوں کو پینگونگ جھیل کے علاقے سے واپس بلا لیا گیا ہے۔ لیکن ابھی تک دونوں فریقوں نے کچھ دیگر متنازعہ علاقوں سے فوج کی واپسی کے بارے میں معاہدہ نہیں کیا ہے۔

      گذشتہ سال وزیر دفاع راج ناتھ سنگھ اور وزیر خارجہ ایس جے شنکر نے اپنے متعلقہ وزراء سے بیرون ملک منظم پروگراموں میں الگ الگ مواقع پر بات چیت کی تھی جس کی بنیاد پر دونوں فریقین نے لائن آف کنٹرول کے ساتھ امن اور باہمی اعتماد بڑھانے پر اتفاق کیا تھا۔
      Published by:Imtiyaz Saqibe
      First published: