ہوم » نیوز » شمالی ہندوستان

وزیر اعظم مودی کے دو سال کامیاب: نجمہ، مودی کے دو سال میں اقلیتوں کے اندر پیدا ہوا خوف ودہشت کا ماحول: اپوزیشن

نئی دہلی۔ اقلیتی وزیر نجمہ ہیبت اللہ نے مودی حکومت کے دو سال پورے ہونے پر حکومت کی پیٹھ تھپتھپائی ہے اور کہا ہے کہ مودی حکومت کے دوسال کامیاب رہےہیں، جب کہ اپوزیشن کے مطابق دو سال میں اقلیتوں کے اندر خوف ودہشت کا ماحول پیدا ہوا ہے۔

  • ETV
  • Last Updated: May 24, 2016 12:03 PM IST
  • Share this:
  • author image
    NEWS18-Urdu
وزیر اعظم مودی کے دو سال کامیاب: نجمہ، مودی کے دو سال میں اقلیتوں کے اندر پیدا ہوا خوف ودہشت کا ماحول: اپوزیشن
نئی دہلی۔ اقلیتی وزیر نجمہ ہیبت اللہ نے مودی حکومت کے دو سال پورے ہونے پر حکومت کی پیٹھ تھپتھپائی ہے اور کہا ہے کہ مودی حکومت کے دوسال کامیاب رہےہیں، جب کہ اپوزیشن کے مطابق دو سال میں اقلیتوں کے اندر خوف ودہشت کا ماحول پیدا ہوا ہے۔

نئی دہلی۔   اقلیتی وزیر نجمہ ہیبت اللہ نے مودی حکومت کے دو سال پورے ہونے پر حکومت کی پیٹھ تھپتھپائی ہے اور کہا ہے کہ مودی حکومت کے دوسال کامیاب رہےہیں، جب کہ اپوزیشن کے مطابق دو سال میں اقلیتوں کے اندر خوف ودہشت کا ماحول پیدا ہوا ہے۔ مسلم دانشوران مانتے ہیں کہ اقلیتی امور کی وزارت پر سنگھ کی پالیسی کار فرما ہے۔


مرکزی وزیر برائے اقلیتی امور نجمہ ہپت اللہ نےکہا کہ مودی حکومت نے وزارت اقلیتی امورکے فنڈ میں اضافہ کیا اوراقلیتی امور کی وزارت نے کام بھی بہتر کئے ہیں۔ اقلیتی طلبا کے مابین اسکالر شپ دی  جارہی ہے اور بجٹ کا بڑا حصہ اسکالر شپ کے لئےمختص ہے۔ یہ اسکالر شپ ابتدائی تا اعلی تعلیم کے لیےمختلف ناموں سےہرسال دیئے جاتے ہیں۔

انہوں نے کہا کہ مدارس کے طالب علموں کوکمپیوٹر کی تعلیم سے آراستہ کرنے کی کوشش کی جاچکی ہے۔ مولانا آزاد نیشنل اکیڈمی فار اسکل (مانس) کے تحت ہنر مندی کی تعلیم کا سلسلہ بھی جاری ہے۔


mukhtar abbas naqvi


وہیں، مودی حکومت میں ایک اور وزیرمختارعباس نقوی کا  بھی دعوی ہےکہ ان کی سرکارنےاقلیتوں اورغریبوں کے لئےکام کئےہیں۔ نقوی نے کہا کہ اقلیتوں اور غریبوں  کی ترقی کیلئےاسکیموں کے زمینی نفاذ کی حتی المقدورکوششیں کی گئی ہیں۔


tariq anwar


دوسری جانب اپوزیشن  لیڈر اقلیتوں کےحوالےسےمودی حکومت کےدوسال کو افسوس ناک مانتے ہیں۔ اپوزیشن کا الزام ہے کہ مودی کےدوسال میں بی جےپی کے لیڈروں کے ذریعہ اشتعال انگیزبیانات اور فرقہ وارانہ کشیدگی کے سبب ملک کے اقلیتوں میں خوف و ہراس پھیلا  ہے۔ نیشنلسٹ کانگریس پارٹی سے رکن پارلیمنٹ طارق انور نے کہا کہ  اقلیتوں کی تعلیم ،کمپیوٹر کی تعلیم  سے پہلےحکومت اقلیتوں کےتحفظ کو یقینی بنائے۔ انہوں نے کہا کہ بی جے پی لیڈران کے فرقہ وارانہ بیانات سے اقلیتوں میں خوف کا ماحول ہے، حکومت ان لیڈران کو کنٹرول کرے۔


maulana abdulhameed nomani


جمعیتہ علما ہند کے سکریٹری مولانا عبد الحمید نعمانی نے کہا کہ اقلیتی امور کی وزارت مسلمانوں کو سامنے رکھتے ہوئے بنائی گئی تھی لیکن افسوس ہے کہ ان دو سالوں میں مذکورہ وزارت نے مسلمانوں کو نظر انداز ہی کیا ہے۔  مولانا نعمانی نے کہا کہ ملک کی بڑی اقلیت اور اپوزیشن وزارت اقلیتی امور کے کام کاج سے خوش نہیں ہے بلکہ الزام ہے کہ  مذکورہ وزارت میں سنگھ کی پالیسی کارفرما ہے۔

First published: May 24, 2016 11:57 AM IST
corona virus btn
corona virus btn
Loading