ہوم » نیوز » شمالی ہندوستان

Covid-19 : ریواڑی میں 8 اسکولوں کے 80 بچے کورونا پازیٹیو ، انتظامیہ میں مچی افراتفری

Coronavirus Update : محکمہ صحت نے دیوالی سے پہلے کچھ پرائیویٹ اور سرکاری اسکولوں کے 837 بچوں کے سیمپل لئے تھے اور اب ان کی رپورٹ آئی ہے ۔

  • Share this:
Covid-19 : ریواڑی میں 8 اسکولوں کے 80 بچے کورونا پازیٹیو ، انتظامیہ میں مچی افراتفری
Covid-19 : ریواڑی میں 8 اسکولوں کے 80 بچے کورونا پازیٹیو ، انتظامیہ میں مچی افراتفری

ہریانہ میں کورونا وائرس کا قہر جاری ہے ۔ ریواڑی میں منگل کو پانچ سرکاری اور تین پرائیویٹ اسکولوں میں 80 بچے کورونا پازیٹیو پائے گئے ہیں ۔ اتنے زیادہ طلبہ کے کورونا وائرس سے متاثر پائے جانے سے ضلع انتظامیہ اور محکمہ صحت میں کھلبلی مچ گئی ہے ۔ ڈسٹرکٹ ایجوکیشن افسر نے متاثرہ اسکولوں کو پندرہ دنوں تک بند رکھنے اور سینٹائز کرانے کا حکم دیا ہے ۔


ہریانہ حکومت کی جانب سے جاری گائیڈ لائن کے مطابق دو نومبر سے ہی نویں سے بارہویں تک کے اسکولوں کو ریگولر طور پر کھولا گیا ہے ۔ محکمہ صحت نے دیوالی سے پہلے کچھ پرائیویٹ اور سرکاری اسکولوں کے 837 بچوں کے نمونے لئے تھے ۔ اب ان کی جانچ رپورٹ سامنے آئی ہے ۔


اتنی بڑی تعداد میں اسکولی بچوں کے کورونا وائرس سے متاثر پائے جانے کی خبر پر ڈپٹی کمشنر نے ڈسٹرکٹ ایجوکیشن افسر راجیش کمار سے بات چیت کرکے ضروری اقدامات کی ہدایت دی ہے ۔ محکمہ تعلیم کی جانب سے 15 دنوں تک متاثرہ اسکولوں کو بند رکھنے کا حکم جاری کیا گیا ہے ۔


کلیکٹر یشیندر سنگھ نے بتایا کہ ضلع میں کورونا وائرس سے بچاو کیلئے محکمہ صحت کے ذریعہ ابھی تک 104821 نمونے لئے گئے ہیں ، جن میں سے 9245 کورونا پازیٹیو پائے گئے ہیں ۔ ان میں سے 8709 شفایاب ہوچکے ہیں اور اب تک 45 مریضوں کی موت ہوئی ہے ۔ فی الحال ضلع میں کورونا کے 491 ایکٹیو کیسز ہیں ۔
Published by: Imtiyaz Saqibe
First published: Nov 18, 2020 08:28 AM IST
corona virus btn
corona virus btn
Loading