ہوم » نیوز » شمالی ہندوستان

کشمیر میں 30 گھنٹوں کی معطلی کے بعد موبائیل انٹرنیٹ خدمات جزوی طور بحال

وادی کشمیر میں موبائیل انٹرنیٹ خدمات قریب 30 گھنٹوں تک معطل رہنے کے بعد بدھ کی شام جزوی طور پر بحال کردی گئیں۔

  • UNI
  • Last Updated: Aug 02, 2017 08:56 PM IST
  • Share this:
  • author image
    NEWS18-Urdu
کشمیر میں 30 گھنٹوں کی معطلی کے بعد موبائیل انٹرنیٹ خدمات جزوی طور بحال
وادی کشمیر میں موبائیل انٹرنیٹ خدمات قریب 30 گھنٹوں تک معطل رہنے کے بعد بدھ کی شام جزوی طور پر بحال کردی گئیں۔

سری نگر: وادی کشمیر میں موبائیل انٹرنیٹ خدمات قریب 30 گھنٹوں تک معطل رہنے کے بعد بدھ کی شام جزوی طور پر بحال کردی گئیں۔جہاں مواصلاتی کمپنیوں نے سرکاری احکامات پر عمل کرتے ہوئے وسطی اور شمالی کشمیر کے 6 اضلاع میں انٹرنیٹ خدمات بدھ کی شام قریب پانچ بجے بحال کردیں، وہیں جنوبی کشمیر میں یہ خدمات بدستور معطل رکھی گئی ہیں۔

وادی میں موبائیل انٹرنیٹ خدمات منگل کے روز جنوبی کشمیر کے ضلع پلوامہ میں لشکر طیبہ کے چیف کمانڈر ابو دوجانہ کی اپنے ایک ساتھی سمیت سیکورٹی فورسز کے ساتھ جھڑپ میں ہلاکت کے بعد وادی کے مختلف حصوں میں بھڑک اٹھنے والے احتجاجی مظاہروں کے پیش نظر احتیاطی اقدامات کے طور پر معطل کی گئی تھیں۔ایک رپورٹ کے مطابق یہ رواں برس میں 11 ویں دفعہ ہے کہ جب وادی میں انٹرنیٹ خدمات سیکورٹی وجوہات کی بناء پر معطل کی گئیں۔

سرکاری ذرائع نے بتایا ’ موبائیل انٹرنیٹ خدمات کو ابودوجانہ کے سمیت دو جنگجوؤں کی ہلاکت کے بعد جنوبی کشمیر کے مختلف علاقوں میں بھڑک اٹھنے والے احتجاجی مظاہروں کے پیش نظر احتیاطی اقدامات کے طور پر معطل کیا گیا تھا‘۔

First published: Aug 02, 2017 08:56 PM IST
corona virus btn
corona virus btn
Loading